[Rasmei News] - សមត្ថកិច្ចចាប់រថយន្តធុនធំដឹកមាន់មួយគ្រឿងនៅស្រុកសាមគ្គីមានជ័យ
2019-09-18
Go to the website published Rasmei News
កំពង់ឆ្នាំង៖សមត្ថកិច្ចនគរបាលខេត្តកំពង់ឆ្នាំងបានស្ទាក់ចាប់បានរថយន្តធុនធំដឹកមាន់មួយគ្រឿងពាក់ស្លាកលេខភ្នំពេញ3E.8056បម្រុងចូលទៅចែកចាយនៅក្នុងរាជធានីភ្នំពេញ។ការចាប់រថយន្តដឹកមាន់ល្មើសច្បាប់នេះធ្វើឡើងនៅតាមផ្លូវជាតិលេខ៥ត្រង់ចំណុចផ្សារត្រាចក្នុងស្រុកសាមគ្គីមានជ័យខេត្តកំពង់ឆ្នាំងកាលពីរសៀលថ្ងៃទី១៨ខែលញ្ញាឆ្នាំ២០១៩ ។
សមត្ថកិច្ចបានឱ្យដឹងថាមាន់នេះត្រូវបានឈ្មួញនាំចូលពីប្រទេសថៃតាមច្រករបៀងបឹងឆ្នាំងក្នុងខេត្តបាត់ដំបងយកមកចែកចាយនៅក្នុងរាជធានីភ្នំពេញនិងតាមបណ្តាខេត្តនានាទូទាំងប្រទេស។ប្រភពបានបន្តថាលោកឧត្តមសេនីយ៍ទោខូវលីស្នងការនគរបាលខេត្តកំពង់ឆ្នាំងបានបញ្ជាឱ្យយករថយន្តដឹកមាន់នេះមកកាន់ស្នងការដ្ឋានដើម្បីត្រួតពិនិត្យនិងចាត់ការទៅតាមនិតិវិធី។ប៉ុន្តែមកដល់នឹងម៉ោងជាង៥ល្ងាចថ្ងៃដដែលនេះគេនៅមិនទាន់ឃើញនៅឡើយទេ៕
