[Rasmei Kampuchea Daily News] - ជំនន់ទឹកភ្លៀងដាច់ស្ពានយោលលិចភូមិមួយចំនួននៅស្រុកសំឡូត
បាត់ដំបងៈលោកសើរសាម៉េតអភិបាលស្រុកសំឡូតបានឱ្យដឹងថាកាលពីយប់ថ្ងៃទ១៥ខែកញ្ញាឆ្នាំនៅក្នុងភូមិសាស្ត្រស្រុកសំឡូតមានភ្លៀងធ្លាក់ពេញមួយយប់និងពេញមួយព្រឹកទី១៥ខែកញ្ញាឆ្នាំ២០១៩បណ្ដាលឱ្យដាច់ស្ពានយោលហូរតាមទឹកទៅបាត់។ក្នុងនោះលិចតំបន់ទីទំនាបតាមដងផ្លូវនិងភូមិមួយចំនួននៅជាប់មាត់អូរនិងស្ទឹងរួមមាន៥ឃុំ។ទី១ឃុំតាតោក,(មានលិចផ្ទះចំនួន២៧ខ្នងតែពុំមានគ្រោះថ្នាក់ដល់អាយុជីវិតទេ)។
ទី២ឃុំតាសាញនៅស្ទឹងក្រញូងមានទឹកហូរខ្លាំងរហូតដល់ដាច់ស្ពានយោលឆ្លងកាត់ស្ទឹងមួយកន្លែងប្រវែង៩៩ម៉ែត្រហូរទៅបាត់ជាហេតុធ្វើឱ្យប្រជាពលរដ្ឋមិនអាចធ្វើដំណើរទៅកាន់បិណ្ឌនៅវត្តម្ខាងស្ទឹងបានទេ។ទី៣ឃុំសំឡូតមានការលិចផ្លូវនៅតំបន់ទំនាបខ្លះតែពុំមានប៉ះពាល់ផ្ទះប្រជាពលរដ្ឋទេ។ទី៤ឃុំស៊ុងមានទឹកលិចតាមដងផ្លូវទំនាបខ្លះតែពុំមានខូចខាតផ្ទះប្រជាពលរដ្ឋទេ។ទី៥ឃុំកំពង់ល្ពៅមានលិចតំបន់ទំនាបមួយចំនួនលិចផ្ទះប្រជាពលរដ្ឋ៥៨ខ្នងស្មើ៥៨គ្រួសារនិងឃុំស៊ុងមានមាន៣ខ្នងផ្ទះលទ្ធផលខូចខាតសរុបជូនពេលក្រោយ។
លោកអភិបាលស្រុកបានបញ្ជាក់ថាមកដល់ម៉ោងនេះនៅទីទំនាបដែលលិចដោយសារទឹកភ្លៀងបានស្រកចុះជាបណ្ដើរៗហើយ។ប៉ុន្តែទឹកភ្លៀងនៅតែធ្លាក់មកស្រិចៗមិនដាច់។រីឯទឹកស្ទឹងក្រញូងបានកំពុងតែហូរបុកយ៉ាងខ្លាំងចុះទៅស្ទឹងសេកសក(ទំនប់ពហុបំណងសេកសក)។
គេសង្កេតឃើញមានវត្តមានលោកអភិបាលស្រុកអភិបាលរងស្រុកក្រុមប្រឹក្សាឃុំទាំង៥។កងកម្លាំងប្រដាប់អាវុធទាំងបីប្រភេទនិងប្រជាពលរដ្ឋមួយចំនួនកំពុងចុះជួយអន្តរាគមន៍យ៉ាងយកចិត្តទុកដាក់។ជួយជញ្ជូនទ្រព្យសម្បត្តិនិងជម្លៀសប្រជាពលរដ្ឋដែលលិចផ្ទះសម្បែងទៅកាន់ទីទួលសុវត្ថិភាព៕
