[Angkor Post] - ផ្លូវល្បឿនលឿនពី ភ្នំពេញទៅក្រុងព្រះសីហនុ ចំណាយក្បែរ ២ ពាន់លាន នឹងលេចរូបរាងឆាប់ៗ
2017-11-14
Go to the website published Angkor Post
ផ្លូវល្បឿនលឿនពីភ្នំពេញទៅកាន់ក្រុងព្រះសីហនុ ដែលត្រូវចំណាយទឹកប្រាក់ប្រមាណ ១ ៩០០ លានដុល្លារនោះ នឹងលេចចេញរូបរាងនាពេលឆាប់ៗ ក្រោមការជួយជ្រោមជ្រែងពីនាយករដ្ឋមន្ត្រីចិន លោក លី កីឈៀង។ ការសន្យាផ្តល់ជំនួយទៅលើគម្រោងនេះ ធ្វើឡើងនៅជំនួប សម្តេច ហ៊ុន សែន និង លោក លី កីឈៀង នាយករដ្ឋមន្ត្រីចិន កាលពីម្សិលមិញ កិច្ចប្រជុំកំពូលអាស៊ានលើកទី៣១ និងកិច្ចប្រជុំពាក់ព័ន្ធនៅទីក្រុងម៉ានីល ប្រទេសហ្វីលីពីន។
កាលពីកន្លងទៅរដ្ឋមន្រ្តីទេសចរណ៍ ឯកឧត្តម ថោង ខុន បានចុះ អនុសារណៈយោគយល់មួយស្ដីពីទីក្រុងសម្ព័ន្ធភាព sisters city ជាមួយទីក្រុងឈិនទូ ចិនដោយមានលោក Yu Wei ប្រធានគណៈកម្មាធិកាអចិន្ត្រៃយ៍នៃសភាប្រជាជនចិនជាតំណាង ដើម្បីអភិវឌ្ឍក្រុងព្រះសីហនុ ឱ្យក្លាយជាតំបន់ឆ្នេរដ៏ទាក់ទាញភ្ញៀវទេសចរណ៍ចិន ឲ្យបានប្រមាណ ២លាននាក់នៅឆ្នាំ ២០២០ ដូច្នេះផ្លូវល្បឿនលឿនថ្មីពីភ្នំពេញទៅព្រះសីហនុ ដែលបន្ថយពេលមកនៅត្រឹម ២ម៉ោងនិងចំណាយប្រាក់ជិត ២ពាន់លានដុល្លារនេះ ជាផ្នែកមួយជួយជម្រុញដល់ការអភិវឌ្ឍក្រុងព្រះសីហនុឲ្យកាន់តែទាក់ទាញសម្រាប់ទេសចរចិន៕
