[Thmey Thmey] - ក្រសួងសាធារណការ និងអង្គការJICA នឹងចុះពិនិត្យស្ពានអ្នកលឿង ដែលខូចខាត នៅថ្ងៃស្អែក
2019-05-23
Go to the website published Thmey Thmey
ភ្នំពេញ៖ ក្រសួងសាធារណការនិងដឹកជញ្ជូន និងអង្គការJICA នឹងចុះពិនិត្យអ្នកលឿង ឬត្សឹបាសា ដែលរងខូចដោយសារគ្រោះថ្នាក់ចរាចរណ៍ នៅថ្ងៃទី២៤ឧសភា ឆ្នាំ១០១៩ ។ នេះបើតាមលោក ហ៊ាង សុទ្ធាយុត្ត អ្នកនាំពាក្យក្រសួងសាធារណការ និងដឹកជញ្ជូន។អ្នកលឿង ដែលមានការខូចផ្នែកបង្កាន់ដៃ និងរនាំងដែកនៅគល់ តាំងពីអំឡុងខែមករាដើមឆ្នាំ២០១៩នេះ ពុំទាន់បានជួសជុលនៅឡើយទេ។ ដោយសារបញ្ហានេះហើយ ទើបប្រជាពលរដ្ឋ ដែលបានឃើញទិដ្ឋភាពខាចនេះ បានបង្ហាញការសោកស្ដាយតាមរយៈហ្វេសប៊ុកព្រោងព្រាត រួមទាំងស្នើសុំឲ្យអាជ្ញាធរ ពាក់ព័ន្ធជួយជួសជុល ដើម្បីឲ្យមានសោភណ្ឌភាពឡើងវិញ។
តាមរយៈប្រតិកម្មពីសំណាក់អ្នកប្រើប្រាស់បណ្ដាញសង្គមហ្វេសប៊ុកនេះ បានធ្វើឲ្យអាជ្ញាធរ និងមន្ត្រីជំនាញ ត្រៀមចុះដោះស្រាយបញ្ហានេះ ជូនពលរដ្ឋ ។ លោក ហ៊ាង សុទ្ធាយុត្ត បានប្រាប់សារព័ត៌មានថ្មីៗ(Thmey Thmey) តាមទូរស័ព្ទថា ក្រសួង និងអង្គការ JAICA នឹងចុះទៅពិនិត្យអ្នកលឿង នៅថ្ងៃទី២៤ ឧសភា។ ប៉ុន្តែសម្រាប់ការជួសជុលនោះ លោកមិនទាន់កំណត់ថ្ងៃទេ។ លោក ហ៊ាង សុទ្ធាយុត្ត បានអះអាងថា «កន្លងមកចាប់តាំងពីនេះ មានការខូច ខាងក្រសួងនិងអង្គការបានចុះសិក្សាសម្រាប់ការជួសជុលជាច្រើនលើមកហើយ។ ការជួសជុលនេះ មិនមែនជួសជុលបានភ្លាមៗនោះទេ ត្រូវការសិក្សាជួសជុលតាមបច្ចេកទេស។ ដូច្នេះទើបត្រូវការប្រើពេលវេលាយូរ»។ករណីដែលបង្កឲ្យខូចអ្នកលឿង ឬត្សឹបាសា បានកើតឡើងកាលពីខែមករា ឆ្នាំ២០១៩ ដោយសារតែរថយន្តសណ្ដោងមួយគ្រឿង (ខ្វះបច្ចេកទេស) បានយកខ្សែស្លាត់ទំហំតូចមកសណ្ដោងរថយន្ដប្រភេទធ្ងន់ឡើង ចំណោទទើបបណ្ដាលឲ្យដាច់ខ្សែ ហើយរអិលរថយន្តធុនធំថយក្រោយ ទៅបុកនឹងបង្កាន់ដៃ ដែលនាំឲ្យខូចបែបនេះ។
គួរបញ្ជាក់ថា «ត្សឹបាសា» ត្រូវបានសាងសង់ឡើង កាលពីឆ្នាំ២០១៥ ក្រោមជំនួយរបស់រាជរដ្ឋាភិបាលជប៉ុន ដែលមានតម្លៃជាង ១០០លានដុល្លារ ។ នេះ បានដាក់ឱ្យប្រើប្រាស់ជាការ កាលពីឆ្នាំ២០១៥ ក្រោយពេលចំណាយពេលសាងសង់ប្រមាណជា ៥ឆ្នាំ។ នេះ ឆ្លងកាត់ទន្លេមេគង្គ ដែលមានប្រវែងឆ្ងាយជាងគេនៅកម្ពុជា៕
