[Bayon TV] - ក្បាលរថភ្លើងទំនើបបានដឹកមកកំពង់ផែក្រុងព្រះសីហនុហើយ
2019-01-09
Go to the website published Bayon TV
ព្រះសីហនុ៖ រថភ្លើងទំនើបរបស់ក្រុមហ៊ុន រ៉ូយ៉ាល់ រេលវេ (Royal Railways) របស់អ្នកឧកញ៉ា គិត ម៉េង បានដឹកពីប្រទេសម៉ិកស៊ិក មកដល់កំពង់ផែស្វយ័តក្រុងព្រះសីហនុហើយ។
សូមជម្រាបថា រថភ្លើង Tramway ស៊េរីទំនើប ៣គ្រឿងដែលក្រុមហ៊ុន Royal Railway Cambodia បញ្ជាទិញពីប្រទេសម៉ិកស៊ិក នឹងយកមកប្រើប្រាស់សម្រាប់ដឹកអ្នកដំណើរ ពីស្ថានីយរថភ្លើងរាជធានីភ្នំពេញឆ្ពោះទៅកាន់ អាកាសយានដ្ឋានអន្តរជាតិភ្នំពេញ ព្រោះថា រថភ្លើងទាំង ៣គ្រឿងនេះមានភាពទំនើបជាងរថភ្លើង ដែលកំពុងប្រើប្រាស់នាពេលបច្ចុប្បន្នដោយរត់បានល្បឿនលឿន ពោលចំណាយពេលត្រឹមតែ ២៥នាទីប៉ុណ្ណោះពីស្ថានីយរថភ្លើងរាជធានីភ្នំពេញ ទៅអាកាសយានដ្ឋានអន្តរជាតិភ្នំពេញ។សូមជម្រាបថា រថភ្លើង Tramway ថ្មីនេះមានក្បាលម៉ាស៊ីនចំនួន២ គឺមុខមួយ និងក្រោយមួយ ហើយមានបច្ចេកវិទ្យាចុងក្រោយបំផុតប្រកបដោយសុវត្ថិភាពខ្ពស់ និងទំនើបទាំងទ្វារស្វ័យប្រវត្តិ, ជណ្ដើរ, កៅអី, ម៉ាស៊ីនត្រជាក់, បន្ទប់ទឹក, កន្លែងដាក់អីវ៉ាន់, ប្រព័ន្ធអ៊ីនធឺណិត Wifi, ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ៕
