ទឹកប្រាក់ឥណទានសម្បទានជិត ៦៤លានដុល្លារអាមេរិកពីធនាគារនីហរ័ណ អាហរ័ណកូរ៉េ ត្រូវបានចុះហត្ថលេខា កាលពីថ្ងៃទី ២៦ ខែធ្នូ ឆ្នាំ ២០១៨ ក្រោមអធិបតីភាព ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និង ដឹកជញ្ជូន និង តំណាងក្រុមហ៊ុន ទីប្រឹក្សាបច្ចេកទេស Dohwa Engineering Co.,Ltd ។ឥណទានសម្បទាននេះ នឹង​យកទៅប្រើប្រាស់​សម្រាប់​គម្រោងសាងសង់​ស្ថានីយ​ប្រព្រឹត្ត​កម្ម​ទឹក​កខ្វក់ ដែលមាន​ស្ថេរភាពចម្រោះទឹកប្រមាណជា ៧ ៦០០ម៉ែត្រគូបក្នុង​មួយថ្ងៃ ។ ជាមួយគ្នានេះ ក៏មានការសាងសង់​ស្ថានីយ​បូម​ចំនួន១០ទីតាំង ដែលមាន​សម្ថ​ភាពបូមទឹក២៩ ៩៥២ ម៉ែត្រគូប​ក្នុង​មួយថ្ងៃ ។ ការសាងសង់​បណ្តាញ​លូ​មុខកាត់​ពី ០,៣ ទៅ ១,២ ម៉ែត្រ ប្រវែង៤៩,៣៣ គីឡូម៉ែត្រ និង ​លូ​មុខកាត់០,១ ទៅ០,៤ ម៉ែត្រ​ប្រវែង ៦.០ គីឡូម៉ែត្រ និង ​ការងារ​ស្តារ​ឡើង​វិញនូវស្ទឹង​ប្រវែង១៦.៣គីឡូម៉ែត្រ រួមទាំង​ការស្តារ​ស្ថានីយ៍​បូម ​ដែលមាន​ស្រាប់​ក្នុង​ក្រុង​តាខ្មៅ ។ឯកឧត្តម ស៊ុន ចាន់ថុល ​រដ្ឋមន្ត្រីក្រសួង​សាធារណការ និង ​ដឹកជញ្ជូន​បាន​មានប្រសាសន៍​បន្ទាប់ពីពិធីចុះហត្ថលេខានោះថា គម្រោង​អភិវឌ្ឍន៍​ប្រព័ន្ធ​ទឹក​កខ្វក់​ក្រុង​តាខ្មៅ​នេះ មាន​គោលបំណង ធ្វើ​ឱ្យ​ប្រសើរឡើង​នូវ​ស្ថានភាព សុខុមាលភាព និង​ អនាម័យ​សម្រាប់​ប្រជាពលរដ្ឋ ដោយ​សាងសង់​ស្ថានីយ​ប្រព្រឹត្ត​កម្ម​ទឹក​កខ្វក់ ដែលមាន​សមត្ថភាព គ្រប់គ្រាន់​ក្នុងការ​ច្រោះ​សម្អាត​ទឹក​កខ្វក់​ពី​តាម​ផ្ទះ​ប្រជាពលរដ្ឋ។ ការការពារ​ទឹកជំនន់ ដោយ​ការស្តា និង ​ធ្វើ​ឱ្យប្រសើរឡើង​នូវ​ប្រឡាយ និង ​ស្ទឹង​ធម្មជាតិ ដែល​ជាបណ្តាញ​បង្ហូរ​ទឹកភ្លៀង ជាដើម៕