ខេ​ត្តកណ្តាល៖ ការកាន់កាប់យកចំណីផ្លូវធ្វើជាកម្មសិទ្ធិនិងលក់ដូរគឺជាអំពើល្មើសច្បាប់ហើយថែមទាំងនាំឱ្យកើតមានគ្រោះថ្នាក់ចរាចរណ៍និងបាត់បង់សណ្តាប់ធ្នាប់សាធារណៈទៀតផង៖ លោកវរៈសេនីយន៍ឯក មាន សំណាង អធិ​ការ​នគរបាលស្រុកអង្គស្នួលបានប្រាប់ឱ្យដឹងថាដោយសារផ្លូវជាតិលេខ៤ ផ្លូវជាតិលេខ៥១ និងផ្លូវបេតុងក្នុងមូល​ដ្ឋាន​មួយចំនួនទៀ តជាផ្លូវដែលមានចរាចរណ៍មមាញឹកនិងឧស្សាហ៍កើតមានគ្រោះថ្នាក់ចរាចរណ៍ជាញឹកញាប់ទៀតនោះ។ ទើបបានជាយើងតែងចុះរៀបចំសណ្តាប់ធ្នាប់ជារើយៗ ជាពិសេសនៅតំបន់ទីប្រជុំជននិងចំណុចដែលឧស្សាហ៍កើតមានគ្រោះថ្នាក់ចរាចរណ៍ ដើម្បីឱ្យមានរបៀបរៀបរយ និងកាត់បន្ថយនូវគ្រោះថ្នាក់ ដែលកើតមានជាយថាហេតុ ដែលបណ្តាលមកពីការរំលោភ ចិញ្ចើមផ្លូវសម្រាប់អ្នកថ្មើរជើង។ លោកអធិការបានបន្តថា៖ ជាក់ស្តែងនៅព្រឹកថ្ងៃទី២៥ ធ្នូ ២០១៨នេះ កម្លាំងផ្នែកសណ្តាប់ធ្នាប់ បានសហការជាមួយប៉ុស្តិនគរបាលរដ្ឋបាលឃុំបែកចាន ឃុំពើកឃុំឆក់ឈើនា ង និងឃុំដំណាក់អំពិល ចុះរៀបចំសណ្តាប់ធ្នាប់តាម​ដង​ផ្លូវជាតិលេខផ្លូវជាតិលេខ៥១ និងផ្លុវបេតុងមួយចំនួនដែលបងប្អូនប្រជាពលរដ្ឋបានរំលោភកាន់កាប់ធ្វើជាកន្លែងលក់ដូរ ស្តង់ អេតចាយយានដ្ឋានជួសជុលរថយន្ត និងការដ្ឋានសំណង ជាដើម។ ជាជំហ៊ានដំបូងនេះយើងបានអប់រំនិងឱ្យពួកគាត់ធ្វើកិច្ចសន្យាបញ្ឈប់និងរុះរើនិងមិនតសំយ៉ាប់លើចិញ្ចើមផ្លូវសាធារណៈ ព្រមទាំងមិន​ឈប់​រថយន្តធ្វើឱ្យកកស្ទះនាំឱ្យប៉ះពាល់ដល់របៀបរៀបរយសា ធារណៈ ហើយប្រសិនជាពួកគាត់នៅតែមិនព្រមអនុវត្តតាម នោះយើងនឹងប្រើវិធានការច្បា ប់ធ្វើការពិន័យតែម្តង។ លោកក៏សូមអំពាវនាវ ទៅដល់ពលរដ្ឋទូទៅ ពិសេសអ្នករស់នៅតាម បណ្តោយផ្លូវជាតិផ្លូវបេតុង នានា មេត្តាកុំ​យកចិញ្ចើមផ្លូវធ្វើជាកន្លែងចតយានយន្ត លក់ដូរព្រោះចិញ្ចើមផ្លូវគឺសម្រាប់ទុកឱ្យអ្នកថ្មើរជើងធ្វើដំណើរ។ដល់ពេលបងប្អូននាំគ្នា រំលោភកាន់កាប់និងយ កធ្វើកន្លែងលក់ដូរអស់នោះអ្នកថ្មើរជើងត្រូវបង្ខំចិត្តដើរលើទ្រូងផ្លូវដែលនាំឱ្យងាយមានគ្រោះថ្នាក់ចរាចរណ៍ណាស់ ហើយក៏ធ្វើឱ្យបាត់បង់សណ្តាប់ធ្នាប់របៀបរៀបរយសាធារ ណៈ និងកកស្ទះចរាចរណ៍ផងដែរហើយថែមទាំងជាអំពើល្មើសហ្នឹងច្បាប់ទៀតផង៕