កិច្ចប្រជុំអន្តរក្រសួងពិនិត្យសេចក្តីព្រាងគម្រោងសិក្សាហេដ្ឋារចនាសម្ព័ន្ធតភ្ជាប់នៅភូមិភាគឦសាន ទីស្តីការក្រសួង៖ នាថ្ងៃទី២៧ ខែមីនា ឆ្នាំ២០២៦ ឯកឧត្តម ឡេង ធនយុទ្ធា រដ្ឋលេខាធិការ ក្រសួងសាធារណការ និងដឹកជញ្ជូន បានដឹកកិច្ចប្រជុំអន្តរក្រសួងពិនិត្យសេចក្តីព្រាងគម្រោងសិក្សាហេដ្ឋារចនាសម្ព័ន្ធតភ្ជាប់តំបន់ភូមិភាគឦសាន ដែលសិក្សាដោយធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការចូលរួមពី ឯកឧត្តមអនុរដ្ឋលេខាធិការ ក្រសួងសាធារណការ និងដឹកជញ្ជូន និងឯកឧត្តមអនុរដ្ឋលេខាធិការ តំណាងក្រសួងបរិស្ថាន ឯកឧត្តមអគ្គនាយក អគ្គនាយករង និងមន្ត្រីជំនាញពាក់ព័ន្ធ នៃអន្តរក្រសួង។ កិច្ចប្រជុំពិភាក្សាខាងលើមានគោលបំណងពិនិត្យ និងវាយតម្លៃដោះស្រាយផលប៉ះពាល់បរិស្ថាន និងដើម្បីរកដំណោះស្រាយ សមស្រប និងការសម្របសម្រួលនីតិវិធីពាក់ព័ន្ធ ដើម្បីពន្លឿនដំណើរការអនុម័តគម្រោងឲ្យប្រព្រឹត្តទៅបានទាន់ពេលវេលា មានប្រសិទ្ធភាព និងមានចីរភាព៕