ឯកឧត្តមទេសរដ្ឋមន្ត្រី ស៊ុន ចាន់ថុល ចូលពិនិត្យសកម្មភាពកែកិច្ចការបេក្ខជន ប្រឡងក្របខណ្ឌ មន្ត្រីរាជការក្រសួងសាធារណការ និងដឹកជញ្ជូន កាលពីថ្ងៃទី០១ ខែវិច្ឆិកា ឆ្នាំ២០១៨ នាឱកាសនោះឯកឧត្តម ទេសរដ្ឋមន្ត្រី បានផ្តាំផ្ញើឲ្យ ក្រុមការងារ ធ្វើការកែ ដាក់ពិន្ទុបេក្ខជនដោយការយកចិត្តទុកដាក់ មានតម្លាភាព ដើម្បីយើងអាចច្រោះយកបេក្ខជនដែលពូកែជាងគេមកបម្រើការងារ ក្នុងវិស័យសាធារណការ និងដឹកជញ្ជូន ជំរុញឲ្យប្រទេសជាតិកាន់តែមានការរីកចម្រើនថែមទៀត។ សូមជម្រាបជូនថា ការប្រឡងជ្រើសរើសក្រខណ្ឌមន្ត្រី ក្រោមការដឹកនាំរបស់ ឯកឧត្តម ទេសរដ្ឋមន្ត្រី ស៊ុន ចាន់ថុល ការរៀបចំដំណើរការនៃការប្រឡងនេះ ត្រូវបានដំណើរការទៅប្រកបដោយតម្លាភាព ដោយមានការចូលរួម អង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន និងស្ថាប័នពាក់ព័ន្ធ ព្រមទាំងកាំម៉េរ៉ាសុវត្ថិភាព ចាប់ពីដំណើការ តាក់តែងវិញ្ញាសារ ប្រឡង វេចខ្ចប់ដាក់កេះ បើកកញ្ចប់វិញ្ញាសារ ដំណើរការប្រឡង និងកែដាក់ពិន្ទុសន្លឹកកិច្ចការ និងក៏ដូចជាដំណាក់កាលចេញលទ្ធផលនៅពេលដ៏ខ្លីខាងមុខទៀតផងដែរ។ ព័ត៌មានលម្អិត ៖ https://www.facebook.com/mpwt.gov.kh/videos/287628152090181/?t=1