កិច្ចប្រជុំបូកសរុបលទ្ធផលនៃបេសកកម្ម ស្ដីអំពី "បេសកកម្មគាំទ្រការអនុវត្តនៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)” របស់ក្រុមការងារធនាគារពិភពលោក(World Bank) ភ្នំពេញ៖ នាថ្ងៃព្រហស្បតិ៍ ទី១២ ខែកុម្ភៈ ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារអនុវត្តគម្រោង ចូលរួមកិច្ចប្រជុំបូកសរុបលទ្ធផលនៃបេសកកម្ម ស្ដីអំពី "បេសកកម្មគាំទ្រការអនុវត្តនៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)” របស់ក្រុមការងារធនាគារពិភពលោក(World Bank) ដោយមានការអញ្ជើញចូលរួមពី ឯកឧត្តម ស៊ឹម ស៊ីថា រដ្ឋលេខាធិការ និងសមាជិកអង្គភាពគ្រប់គ្រងគម្រោងនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តមអនុរដ្ឋលេខាធិការ ប្រធានគ្រប់គ្រងគម្រោង សមាជិកអង្គភាពគ្រប់គ្រងគម្រោងនៃក្រសួងសាធារណការ និងដឹកជញ្ជូន លោក-លោកស្រី តំណាងក្រសួងសេដ្ឋកិច្ច និងហិរញ្ញវត្ថុ និងក្រុមការងារបេសកកម្មរបស់ធនាគារពិភពលោក (World Bank) ដឹកនាំដោយលោក កូវ ភិរម្យ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យពិភាក្សា និងបូកសរុបលទ្ធផលនៃបេសកកម្មបច្ចេកទេសគាំទ្រការអនុវត្តគម្រោងដែលបានប្រព្រឹត្តទៅ ចាប់ពីថ្ងៃទី២៨ ខែមករា ដល់ថ្ងៃទី១២ ខែកុម្ភៈ ឆ្នាំ២០២៦ របស់ក្រុមការងារធនាគារពិភពលោក(World Bank) ក្នុងការវាយតម្លៃអំពីវឌ្ឍនភាពការងារដែលបានអនុវត្តនាពេលកន្លងមក និងការផ្ដល់នូវផែនការសកម្មភាពសំខាន់ៗសម្រាប់ពន្លឿន និងកែលម្អការអនុវត្តគម្រោងដើម្បីឆ្ពោះទៅសម្រេចបាននូវលទ្ធផលកាន់តែល្អប្រសើរ និងទាន់ពេលវេលាកំណត់នៃកិច្ចសន្យាគម្រោង៕