ព្រះសីហនុ៖ នាថ្ងៃសៅរ៍ ៣រោច ខែអស្សុជ ឆ្នាំច សំរឹទ្ធស័ក ពស ២៥៦២ ត្រូវនឹងថ្ងៃទី២៧ ខែតុលា ឆ្នាំ២០១៨ ឯកឧត្តមទេរដ្ឋមន្ត្រី ស៊ុន ចាន់ថុល ដឹកនាំគណប្រភូក្រសួងសាធារណការ និងដឹកជញ្ជូន ចុះពិនិត្យការដ្ឋាន ស្តារភក់​ក្នុងអាងប្រព្រឹត្តកម្ម​ នៅស្ថានីយ៍​ចម្រោះ​ទឹកកខ្វក់ ​ក្រុងព្រះសីហនុ ដែលអនុវត្តដោយក្រុមហ៊ុន BUGC។ សូមជ្រាបជូនថា ស្ថានីយ៍​អាងចម្រោះទឹកកខ្វក់នេះ ត្រូវបានសាងសង់លើផ្ទៃដីទំហំ​១៦,២ហិតា មានសមត្ថភាពសំអាត ប្រមាណ៦.៩០០ម៉ែត្រគូប/ថ្ងៃ។ ដោយសារការប្រើប្រាស់ចាប់ពី​ឆ្នាំ​ ២០០៦ ​មកដល់បច្ចុប្បន្ន​ ​បានធ្វើអោយស្ថាននីយ៍ចម្រោះមួយនេះ មានកំណកភក់នៅបាតអាង​ បណ្តាល​សមត្ថភាពសំអាតទឹកកខ្វក់របស់ស្ថានីយ៍មួយនេះ ត្រូវបានថយចុះ ជាបន្តបន្ទាប់នាពេលកន្លងទៅនេះ។ ដោយល់ឃើញពីសារសំខាន់នៃស្ថានីយ៍នេះ ឯកឧត្តមទេសមន្ត្រី កំពុងធ្វើការយកចិត្តទុកដាក់ខ្ពស់ ដើម្បីជំរុញអោយ ការស្តារអាងមួយនេះ បានចប់រួចរាល់ នៅក្នុងចុងឆ្នាំ២០១៨​ ដោយបន្ថែមឧបករណ៍បច្ចេកទេសបន្ថែម និងអនុវត្តឲ្យបានតាមបទដ្ឋានបច្ចេកទេសកំណត់។ ក្រោយពីបញ្ចប់គម្រោងស្តារឡើងវិញ​ ស្ថានីយ៍ នឹងមានសមត្ថភាពសំអាតដូចដើមឡើងវិញ។ អ្វីដែលកាន់តែប្រសើរជាងនេះ ក្រោមការដឹកនាំរបស់ឯកឧត្តមទេសរដ្ឋមន្ត្រី ស៊ុន ចាន់ថុល ក្រុមហ៊ុន BUCG​ បាន និងកំពុងសិក្សាប្លង់មេ​បឋម ពង្រីកសមត្ថភាពអាងចម្រោះទឹកកខ្វក់ ក្នុងទីក្រុងទេសចរណ៍មួយនេះ។ ​​​​ ឯកឧត្តម ទេសរដ្ឋមន្ត្រី បានស្នើអោយគ្រប់ភាគីពាក់ព័ន្ធសហការ ពន្លឿនការងារសិក្សា ក្នុងគោលបំណង ដាក់ជូនប្រមុខរាជរដ្ឋាភិបាលពិនិត្យ និងសម្រេច ដើម្បីអាចអនុវត្តិកការពង្រីសមត្ថភាព ចម្រោះទឹកកខ្វក់រហូតដល់ ២០.០០០ម៉ែត្រគូប /ថ្ងៃ។ ការពង្រីកសមត្ថភាពរហូទដល់ទៅ ៣ដង នេះ នឹងធ្វើអោយបរិស្ថាន និងការរស់នៅរបស់ប្រជាពលរដ្ឋ ក្នុងក្រុងព្រះសីហនុ កាន់តែមានភាពល្អប្រសើរឡើង៕