::: តើបែបបទស្នើសុំចុះបញ្ជីផ្លាកលេខផ្ទាល់ខ្លួន "កម្ពុជា" សម្រាប់ទោចក្រយានយន្ត ត្រីចក្រយានយន្ត និងម៉ូតូកង់បួនតម្រូវឱ្យមានឯកសារអ្វីខ្លះ? តម្លៃប៉ុន្មាន? » បែបបទស្នើសុំចុះបញ្ជីផ្លាកលេខពិសេសផ្ទាល់ខ្លួន "កម្ពុជា" ត្រូវភ្ជាប់មកជាមួយនូវសំណុំឯកសារដូចខាងក្រោម៖ - ពាក្យសុំចុះបញ្ជីយានជំនិះ - វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ (លើកលែងទោចក្រយានយន្ត) ច្បាប់ថតចម្លង - បង្កាន់ដៃពន្ធយានយន្ត (ច្បាប់ដើម) - វិក្កយបត្រលក់ទិញ ឬលិខិតនាំចូលយានជំនិះសម្រាប់យានជំនិះដែលនាំចូលផ្ទាល់ខ្លួន - អត្តសញ្ញាណម្ចាស់កម្មសិទ្ធិ៖ ១. រូបវន្តបុគ្គល៖ • ពលរដ្ឋខ្មែរ៖ អត្តសញ្ញាណប័ណ្ណសញ្ជាតិខ្មែរ ច្បាប់ដើម ឬច្បាប់ចម្លងដែលមានបញ្ជាក់ពីស្ថាប័នមានសមត្ថកិច្ច • ជនបរទេស ៖ - លិខិតឆ្លងដែន និងទិដ្ឋាការមិនមែនទេសចរណ៍ដែលមានសុពលភាពរយៈពេលយ៉ាងតិច៣០ (សាមសិប) ថ្ងៃ (ច្បាប់ចម្លងមានផ្ដិតស្នាមមេដៃរបស់សាមីខ្លួន) - លិខិតបញ្ជាក់ទីលំនៅបច្ចុប្បន្ន (ច្បាប់ដើមចេញដោយអាជ្ញាធរមានសមត្ថកិច្ច)  ២. នីតិបុគ្គល៖ - ប័ណ្ណពន្ធប៉ាតង់ (ច្បាប់ចម្លងមានបោះត្រារបស់ក្រុមហ៊ុន ឬច្បាប់ចម្លងដែលមានបញ្ជាក់ពីស្ថាប័នមានសមត្ថកិច្ច) » កម្រៃសេវា - ចុះបញ្ជី ១២០.០០០៛ ដកស្រង់ចេញពី៖ - ប្រកាសអន្តរក្រសួងលេខ ១៩៧ សហវ.ប្រក.អទច ចុះថ្ងៃទី១៧ ខែមីនា ឆ្នាំ២០២៥ ស្តីពីការលក់លេខនិងការដេញថ្លៃលេខចុះបញ្ជីពិសេសផ្ទាល់ខ្លួនសម្រាប់យានជំនិះ - ប្រកាសលេខ ១២៣ សក.ប្រក.ដជគ ចុះថ្ងៃទី២៣ ខែឧសភា ឆ្នាំ២០២៥ ស្តីពីបែបបទ និងនីតិវិធីនៃការចុះបញ្ជីយានជំនិះ ការផ្តល់ផ្លាកលេខសម្គាល់យានជំនិះ និងការលុបយានជំនិះចេញពីបញ្ជីយានជំនិះ :::ព័ត៌មានលម្អិត៖ (Hotline) 1275