វគ្គបណ្ដុះបណ្ដាលស្ដីពី "Capacity Building for Promotion of Transport and Logistics competitiveness at Cambodia-Vietnam Border and Cambodia-Thai Border through improvement of Cross-border facilities in Cambodia ('25-'27)" ទីក្រុងសេអ៊ូល៖ ចាប់ពីថ្ងៃទី២៦ ខែតុលា ដល់ទី៨ ខែវិច្ឆិកា ឆ្នាំ២០២៥ ដោយមានការចាត់តាំងពីថ្នាក់ដឹកនាំក្រសួង មន្រ្តីរាជការ ចំនួន ១៥រូប មកពីគ្រប់អង្គភាពពាក់ព័ន្ធចំណុះក្រោមឱវាទក្រសួងសាធារណការ និងដឹកជញ្ជូន ដឹកនាំដោយ លោក ព្រំ ថុល នាយករងខុទ្ទកាល័យ ឯកឧត្តមរដ្ឋមន្រ្តី បានចូលរួមវគ្គបណ្ដុះបណ្ដាលស្ដីពី "Capacity Building for Promotion of Transport and Logistics competitiveness at Cambodia-Vietnam Border and Cambodia-Thai Border through improvement of Cross-border facilities in Cambodia ('25-'27) នៅទីក្រុងសេអ៊ូល សាធារណរដ្ឋកូរ៉េខាងត្បូង។ វគ្គបណ្ដុះបណ្ដាលនេះ មានគោលបំណងចែករំលែកបទពិសោធន៍លើការងារដឹកជញ្ជូន និងភស្ដុភារកម្មរបស់ប្រទេសកូរ៉េខាងត្បូង និងយុទ្ធសាស្រ្តជឿនលឿនក្នុងការកែលម្អ និងអភិវឌ្ឍប្រកបដោយប្រសិទ្ធភាពសម្រាប់ការធ្វើឱ្យប្រសើរឡើងនូវវិស័យភស្ដុភារកម្ម និងការចែកចាយនៅក្នុងតំបន់ព្រំដែនរបស់ប្រទេសកម្ពុជា៕