សកម្មភាពក្រុមការងារស.ស.យ.ក វិស័យសាធារណការ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណការ និងដឹកជញ្ជូនខេត្តព្រះវិហារ បានចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងវិធានសុវត្ថិភាពសម្រាប់កុមារ នាថ្ងៃបេីកបវេសនកាល ដែលមានអ្នកចូលរួមសរុបចំនួន ១១០២ នាក់ ព្រះវិហារ : នាថ្ងៃទី១ ខែវិច្ឆិកា ឆ្នាំ២០២៥ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណការ និងដឹកជញ្ជូនខេត្តព្រះវិហារ បានចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងវិធានសុវត្ថិភាពសម្រាប់កុមារ ដោយមានការចូលរួមពីសមត្ថកិច្ចនគរបាលចរាចរណ៍ផ្លូវគោក លោកស្រីចៅសង្កាត់រង លោកគ្រូ-អ្នកគ្រូ មាតា-បិតា និងសិស្សានុសិស្ស និងអង្គភាពពាក់ព័ន្ធ សរុបចំនួន ១១០២នាក់ ស្រី ៥២៣នាក់។ នាឱកាសនោះ ក្រុមការងារ បានចែកជូនឯកសារអប់រំផ្សព្វផ្សាយមួយចំនួនរួមមាន៖ -សៀវភៅច្បាប់ស្តីពីចរាចរណ៍ផ្លូវគោក ចំនួ ន ៣០ ក្បាល -សៀវភៅអ្វីដែលអ្នកបើកបរម៉ូតូត្រូវយល់ដឹង ចំនួន ១២០០ ក្បាល - ផ្ទាំងរូបភាពសញ្ញាចរាចរណ៍សំខាន់ៗ ចំនួន ១០ សន្លឹក -ផ្ទាំងរូបភាពកំណត់ទំហំទ្រុងរថយន្ត និងការកំណត់ទំហំផ្ទុកទំនិញ ចំនួន ១០ សន្លឹក -ផ្ទាំងរូបភាពសម្រាប់ថ្មើជើង ចំនួន ១០ សន្លឹក -ផ្ទាំងរូបភាពការចតរថយន្តនៅក្នុងទីក្រុង ឬទីប្រជុំជន ចំនួន ១០ សន្លឹក - ផ្ទាំងរូបភាពសញ្ញាសិទ្ធិអាទិភាពនៅត្រង់ផ្លូវប្រសព្វ ចំនួន ១០ សន្លឹក -ស្ទីកឃ័រថ្ងៃនេះ ថ្ងៃស្អែក កុំអោយមានគ្រោះថ្នាក់ចរាចរណ៍ ចំនួន ១០ សន្លឹក -មួកសុវត្ថិភាពមនុស្សធំ ចំនួន ៣៧ មួក -មួកសុវត្ថិភាពក្មេង ចំនួន ១០ មួក ផងដែរ៕