រាជធានីភ្នំពេញ ៖ មន្ទីរសាធារណការ និងដឹកជញ្ជូនខេត្តបន្ទាយមានជ័យ បានប្រកាសធ្វើការផ្អាកចរាចរណ៍បណ្តោះអាសន្ននូវយានយន្តដឹកជញ្ជូនធុនធំគ្រប់ប្រភេទ ដែលធ្វើដំណើរឆ្លងកាត់លើកំណាត់ផ្លូវខេត្តលេខ២៦៨អា ចាប់ពីគ.ម១៦+០០០ (ទីរួមស្រុកភ្នំស្រុក) ដល់ គ.ម២៣+០០០ (អាងត្រពាំងថ្ម) ស្ថិតក្នុងស្រុកភ្នំស្រុក ខេត្តបន្ទាយមានជ័យ។យោងតាមសេចក្តីជូនដំណឹងស្តីពីការផ្អាកចរាចរណ៍បណ្តោះអាសន្នយានយន្តដឹកជញ្ជូនធុនធំគ្រប់ប្រភេទ ដែលធ្វើ ដំណើរឆ្លងកាត់លើកំណាត់ផ្លូវខេត្តលេខ២៦៨អាចាប់ពីគម១៦+០០០(ទីរួមស្រុកភ្នំស្រុក) ដល់គ.ម២៣-០០០ (អាងត្រពាំងថ្ម) ស្ថិតក្នុងស្រុកភ្នំស្រុកខេត្តបន្ទាយមានជ័យ នៅថ្ងៃទី២ ខែតុលា ឆ្នាំ២០២៥បានឲ្យដឹងថាមន្ទីរសាធារណការ និងដឹកជញ្ជូនខេត្តបន្ទាយមានជ័យ សូមជម្រាបជូនដំណឹងដល់ សាធារណជន បងប្អូនប្រជាពលរដ្ឋ ពិសេសម្ចាស់យានយន្តដឹកជញ្ជូនទំនិញធុនធំគ្រប់ប្រភេទ ដែលធ្វើ ដំណើរឆ្លងកាត់តាមកំណាត់ផ្លូវខេត្តលេខ ២៦៨អា មេត្តាជ្រាបថា៖ បន្ទាប់ពីទទួលរងឥទ្ធិពលភ្លៀង ធ្លាក់ជាបន្តបន្ទាប់ បានបណ្តាលឲ្យមានជំនន់ទឹកភ្លៀងលិច និងហូរកាត់ទីតាំងមួយចំនួនលើកំណាត់ផ្លូវ ខេត្តលេខ ២៦៨អា ស្ថិតក្នុងស្រុកភ្នំស្រុក ខេត្តបន្ទាយមានជ័យ។យោងតាមស្ថានភាពដូចបានជម្រាបជូនខាងលើ និងដើម្បីថែរក្សាផ្លូវថ្នល់ ស្ពាន កុំឲ្យបាក់ស្រុត និងធានាដល់ការធ្វើចរាចរណ៍ប្រកបដោយសុវត្ថិភាពជូនបងប្អូនប្រជាពលរដ្ឋ ។ មន្ទីរសាធារណការ និងដឹកជញ្ជូនខេត្ត សូមធ្វើការផ្អាកចរាចរណ៍បណ្តោះអាសន្ននូវយានយន្តដឹកជញ្ជូនធុនធំគ្រប់ប្រភេទ ដែល ធ្វើដំណើរឆ្លងកាត់លើកំណាត់ផ្លូវខេត្តលេខ ២៦៨អា ចាប់ពីគ.ម១៦+០០០ (ទីរួមស្រុកភ្នំស្រុក) ដល់ គ.ម២៣+០០០ (អាងត្រពាំងថ្ម) ស្ថិតក្នុងស្រុកភ្នំស្រុក ខេត្តបន្ទាយមានជ័យ ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងសារជាថ្មី ។ក្រោយពីទទួលបានសេចក្តីជូនដំណឹងនេះ មន្ទីរសាធារណការ និងដឹកជញ្ជូនខេត្តបន្ទាយមានជ័យ សង្ឃឹមយ៉ាង មុតមាំថា បងប្អូនប្រជាពលរដ្ឋ ពិសេសម្ចាស់យានយន្តដឹកជញ្ជូនទំនិញធុនធំទាំងអស់ និងអនុវត្តតាមសេចក្តីជូនដំណឹងនេះប្រកបដោយស្មារតីទទួលខុសត្រូវខ្ពស់ ដើម្បីរួមចំណែកថែរក្សា ផ្លូវថ្នល់ ស្ពានប្រើប្រាស់ឲ្យបានយូរអង្វែង ៕