លោក ស៊ុន ចាន់ថុល បាក់អំនួតក្រោយពីរកឃើញស្ថានីយ៏ថ្លឹងរថយន្ត១៥កន្លែងជួលបរទេសមកកែឆ្នៃពីធ្ងន់ទៅស្រាល ពីស្រាលមកធ្ងន់ ភ្នំពេញ៖ ចំណាត់ការរបស់ លោក ស៊ុន ចាន់ ថុល រដ្ឋមន្ត្រី ក្រសួងសាធារណះការនិងដឹកជញ្ជួនដែលតែងតែស្រែកក្តែងៗថាសម័យឯកឧត្តមនិងលុយបំបាត់ អំពើពុករលួយឲ្យអស់ នៅតាមស្ថានីយ ថ្លឹងរថយន្ត នានា ដើម្បីទប់ស្កាត់ការដឹកជញ្ជួននាំឲ្យខូចខាតផ្លូវ។ ប៉ុន្តែធាតុពិត មន្ត្រីថ្នាក់ក្រោមរបស់លោក ពុករលួយ រហូតដល់ហៅជំនាញ បរទេសមកកែច្នៃជញ្ជីងថ្លឹងរថយន្តពីធ្ងន់ទៅស្រាលឬពីស្រាលទៅធ្ងន់នៅតាមស្ថានីយទាំង១៥ទូទាំងព្រះរាជាណាចក្រកម្ពុជា។ ភាពអំនួតនិងរបស់លោករដ្ឋមន្ត្រីរូបនេះបានទទួលនូវភាពអាម៉ាសយ៉ាងខ្លាំងបន្ទាប់ពីបែកធ្លាយហើយសមត្ថកិច្ច ចាប់បុរសជនជាតិវៀតណាមម្នាក់ជាបុគ្គលិកក្រុមហ៊ុន អេអេភីគ្រុប ដែលជាប់ពាក់ព័ន្ធនឹងករណី កែច្នៃជញ្ជីងថ្លឹងរថយន្តពីធ្ងន់ទៅស្រាលឬពីស្រាលទៅធ្ងន់ នៅតាមស្ថានីយទាំង១៥ទូទាំងព្រះរាជាណាចក្រកម្ពុជា។គេនៅចាំ មិនភ្លេចថាអោយតែលោក ស៊ុន ចាន់ថុល ទៅចូលរួមក្នុងកម្មវិធី ណាមួយលោកតែង តែលើកឡើង ថា សម័យលោកដឹកនាំ និងលុបបំបាត់អោយអស់ អំពើពុករលួយ នៅតាមស្ថានីយ៏ ថ្លឹងរថយន្តនៅទូទាំងប្រទេស ព្រោះការដឹកជញ្ជួន នាំឲ្យ រាជរដ្ឋាភិបាលខាតបង់ប្រាក់រាប់រយលានដុល្លារក្នុងមួយឆ្នាំៗ ដើម្បីកសាង និងជួសជុល ប៉ុន្តែ អ្វីដែលលោក រដ្ឋមន្ត្រី អះអាងកន្លងមក មិនមានប្រសិទ្ធិភាពឡើយ ជាក់ស្តែងកាលពីថ្មីនេះ បុរសជនជាតិវៀតណាមម្នាក់ជាបុគ្គលិកក្រុមហ៊ុន អេអេភីគ្រុប ត្រូវបាន សមត្ថកិច្ចឃាត់ខ្លួន ពាក់ព័ន្ធនឹងករណី កែច្នៃជញ្ជីងថ្លឹងរថយន្តពីធ្ងន់ទៅស្រាលឬពីស្រាលទៅធ្ងន់ នៅតាមស្ថានីយទាំង១៥ទូទាំងព្រះរាជាណាចក្រកម្ពុជា។ ប្រភពដដែលបញ្ជាក់ថា កាលដែល បុរសជនជាតិវៀតណាមម្នាក់ជាបុគ្គលិកក្រុមហ៊ុន អេអេភីគ្រុប អាច កែច្នៃជញ្ជីងថ្លឹងរថយន្តពីធ្ងន់ទៅស្រាលឬពីស្រាលទៅធ្ងន់បានគឺមានការឃុបឃីតគ្នា រវាង ថ្នាក់ដឹកនាំស្ថានីយ៏ ក្រសួងក៏ថាបានមិនមែន ចេះតែមកកែឆ្នៃគ្មានការអនុញាតិនោះទេ ។ ក្រោយមកលោកសេង លាង ចៅក្រមស៊ើបសួរសាលាដំបូង រាជធានីភ្នំពេញ បានសម្រេចដោះលែង បុរសជនជាតិវៀតណាមម្នាក់ជាបុគ្គលិកក្រុមហ៊ុន អេអេភីគ្រុប ដែលជាប់ពាក់ព័ន្ធនឹងករណីនេះឲ្យមានសេរីភាពវិញ កាលពីរសៀលថ្ងៃទី៥ ខែកញ្ញា ឆ្នាំំ២០១៧។ ជនជាប់ចោទដែលចៅក្រមដោះលែងឲ្យមានសេរីភាពនេះឈ្មោះ ង្វៀន វ៉ាន់ប៊ែបៃ អាយុ៣៣ឆ្នាំ កាន់លិខិតឆ្លង ដែនប្រទេសវៀតណាមលេខ C 2271854 ទីកន្លែងកំណើត ខេត្តហូយ៉ាង ប្រទេសវៀតណាម ស្នាក់នៅបច្ចុប្បន្នផ្ទះលេខ២ សង្កាត់ទំនប់ទឹក ខណ្ឌចំការមន រាជធានីភ្នំពេញ ។ លោក ង្វៀន វ៉ាន់ ប៊ែប៊ែ ត្រូវបានត្រូវលោកស្រី ស៊ឺ វណ្ណី ព្រះរាជអាជ្ញារងអមសាលាដំបូងរាជធានីភ្នំពេញ ចោទប្រកាន់ពីបទ បញ្ចូល លុបបំបាត់ឬកែប្រែដោយទុច្ចរិតនូវទិន្នន័យ ប្រព្រឹត្តនៅតាមស្ថានីយទាំង១៥ ទីតាំងនៅក្នុងព្រះរាជាណាចក្រកម្ពុជា កាលពីអំឡុងឆ្នាំ២០១៤ ដល់ឆ្នាំ២០១៧ បទល្មើសព្រហ្មទណ្ឌដែលមានចែង ឱ្យផ្តន្ទាទោសតាមមាត្រា៤២៩ នៃក្រមព្រហ្មទណ្ឌ។ ក្រោយមានការចោទប្រកាន់ សំណុំរឿងនេះត្រូវបានបញ្ជូនទៅចៅក្រម សេង លាង ចាត់ការបន្ត ស្រាប់តែមួយសន្ទុះក្រោយមក លោកចៅក្រមបានសម្រេចដោះលែងបុរសជនជាតិវៀតណាមនោះឲ្យទៅវិញបាត់ទៅ ។ បើតាមប្រភពព័តមានមួយបានបញ្ជាក់ឲ្យដឹងថា ក្រសួងសាធារណៈការនិងដឹកជញ្ជូននៃព្រះរាជាណាចក្រកម្ពុជា បានទិញជញ្ជីងសម្រាប់ថ្លឹងទម្ងន់រថយន្ត ពីក្រុម ហ៊ុន អេអេភីគ្រុប ដែលមានទីតាំងនៅប្រទេសវៀតណាម ដើម្បីយកមកដាក់តាមស្ថានីយថ្លឹង រថយន្តចំនួន១៥កន្លែងក្នុងព្រះរាជាណាចក្រកម្ពុជា។ ក្នុងពេលយកជញ្ជីងនេះមកដំណើរការថ្លឹង រថយន្តនៅតាមបណ្តាស្ថានីយនោះ ឃើញមានភាពមិនប្រក្រតីពោលគឺ គេកែច្នៃការថ្លឹងរថយន្តពីធ្ងន់មកស្រាល ឬពីស្រាលមកធ្ងន់បាន តាមការរៀបចំររបស់ឈ្មោះង្វៀន វ៉ាន់ប៊ែបៃ ដែលជាអ្នកបច្ចេកទេសរបស់ក្រុមហ៊ុន ។ ប្រភពដដែលបានអះអាងថា ដោយសារមានភាពមិនប្រក្រតីនេះធ្វើឲ្យមានការបាត់ បង់ថវិការដ្ឋមួយចំនួនធំតាមរយៈការថ្លឹងរថយន្ត ពីធ្ងន់មកស្រាល ឬពីស្រាលមកធ្ងន់នេះ ហើយក៏បានធ្វើឲ្យផ្លូវថ្នល់មួយចំនួនមានការខូចខាតដោយសារតែមាន រថយន្តដឹកលើស ទម្ងន់ដែលកំណត់ ឧទាហរណ៍គឺផ្លូវថ្នល់អាចឲ្យរថយន្តទម្ងន់២០តោនបើកបរបាន តែបើលើសទម្ងន់អាចធ្វើឲ្យផ្លូវថ្នល់ខូចខាតបាន។បញ្ហានេះបានធ្វើឲ្យក្រសួងសាធារណការនិង ដឹកជញ្ជូនមានការចាប់អារម្មណ៍ យ៉ាងខ្លាំង រហូតបើកការស្រាវជ្រាវឃើញថា មានការកែច្នៃជញ្ជីងថ្លឹងរថយន្តនៅតាមស្ថានីយទាំង១៥នេះ ទើបខាងក្រសួងសម្រេចចិត្តដាក់ពាក្យប្តឹងមកក្រសួងមហាផ្ទៃ ដើម្បីចាត់ការជាសមត្ថកិច្ច។ ប្រភពដដែលបានបង្ហើបឲ្យដឹងថា ក្រោយពេលឃាត់ខ្លួនបុរសជនជាតិវៀតណាមរូបនេះបានសារភាពថា ខាងក្រុមហ៊ុនបានចាត់តាំងខ្លួនឲ្យចុះមកតាមស្ថានីយទាំង១៥នេះ ដើម្បីបង្ហាត់បង្រៀនមន្ត្រីសាធារណៈការឲ្យចេះប្រើជញ្ជីងថ្លឹងរថយន្តនេះ ព្រោះតាមបច្ចេក វិទ្យាជញ្ជីងនេះអាចថ្លឹងពីធ្ងន់មកស្រាលឬពីស្រាលមកធ្ងន់បាន ។ ប៉ុន្តែក្រោយពីបង្ហាត់បង្រៀន ជាទ្រឹស្តីរួចហើយ ខ្លួនបានត្រឡប់ទៅវិញ ទុកឲ្យមន្ត្រីសាធារណការជាអ្នកអនុវត្តផ្ទាល់ ដោយខ្លួនឯង ពោលគឺខ្លួនពុំបានចូលរួមក្នុងសកម្មភាព ថ្លឹងរថយន្តពីធ្ងន់មកស្រាលឬពីស្រាលមកធ្ងន់នោះទេ ។ទោះបីយ៉ាងណាភាពមិនប្រក្រតីខាងលើនេះបានធ្វើឲ្យផ្លូវថ្នល់ច្រើនខ្សែណាស់ក្នុងប្រទេសយើងត្រូវរលាយរលត់ខូចខ្ទេចខ្ទីដោយសារជញ្ជីងថ្លឹងមិនត្រឹមត្រូវនេះ លុះពេលសមត្ថកិច្ចរកឃើញមូលហេតុពិត ចៅក្រមតុលាការបែជាសម្រេចផុយៗដោះលែងជនត្រូវចោទឲ្យទៅវិញ នៅពេលដែលរកមុខអ្នកទទួលខុសត្រូវមិនឃើញនៅឡើយ ៕