កិច្ចប្រជុំអន្តរក្រសួង លើកទី៣ របស់គណៈកម្មាធិការអចិន្ត្រៃយ៍សម្របសម្រួលការអនុវត្តគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក នៅប្រទេសកម្ពុជា ទីស្ដីការក្រសួងមហាផ្ទៃ៖ នារសៀលថ្ងៃអង្គារ ទី១៩ ខែសីហា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំក្រុមការងារគម្រោង ចូលរួមក្នុងកិច្ចប្រជុំអន្តរក្រសួង ស្ដីអំពី “កិច្ចប្រជុំលើកទី៣ របស់គណៈកម្មាធិការអចិន្ត្រៃយ៍សម្របសម្រួលការអនុវត្តគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក” ដឹកនាំដោយ ឯកឧត្តម អ៊ុំ ម៉ារ៉ា រដ្ឋលេខាធិការ ក្រសួងមហាផ្ទៃ ដោយមានការចូលរួមពី គណៈកម្មាធិការអចិន្ត្រៃយ៍សម្របសម្រួលការអនុវត្តគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិកនៅប្រទេសកម្ពុជា ដែលមានសមាជិកចូលរួមមកពីក្រសួងពាក់ព័ន្ធចំនួន៧ និងរដ្ឋបាលថ្នាក់ក្រោមជាតិខេត្តគោលដៅចំនួន៥ រួមទាំងមន្ត្រីជំនាញដែលពាក់ព័ន្ធ សរុបចំនួន ៦០ នាក់។ កិច្ចប្រជុំនេះរៀបចំឡើងដើម្បីពិនិត្យរាយការណ៍អំពីវឌ្ឍនភាពការងារនៃការអនុវត្តគម្រោង និងលទ្ធផលការងារដែលសម្រេចបាន នៃគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិកនៅប្រទេសកម្ពុជា របស់អង្គភាពគ្រប់គ្រងគម្រោងក្រសួងមហាផ្ទៃ ក្រសួងសាធារណការ និងដឹកជញ្ជូន និងក្រសួងបរិស្ថាន និងការដោះស្រាយផលប៉ះពាល់ដោយសារការអនុវត្តគម្រោង ពីក្រសួងសេដ្ឋកិច្ច និងហិរញ្ញវត្ថុ ព្រមទាំងកិច្ចពិភាក្សាអំពីបញ្ហាផ្សេងៗទៀតទាក់ទងនិងសំណើពង្រីកផ្ទៃដីទីលានទុកដាក់សំរាម និងសំណើកែលម្អផ្លូវចូលទីលានទុកដាក់សំរាមនៅតាមបណ្ដាខេត្តគោលដៅ ជាពិសេស ខេត្តព្រះសីហនុ និងខេត្តកណ្ដាល៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube