កិច្ចប្រជុំក្រុមការងារបច្ចេកវិទ្យាកំពង់ផែអាស៊ាន-ជប៉ុន លើកទី២៣ និងសិក្ខាសាលា ស្ដីពីការយល់ដឹងអំពីកំពង់ផែអព្យាក្រឹតកាបូននៅក្នុងតំបន់អាស៊ាន គ្រោងនឹងរៀបចំនៅថ្ងៃទី១០-១១ ខែធ្នូ ឆ្នាំ២០២៥ ខាងមុខនេះហើយ ទីស្ដីការក្រសួង៖ នាថ្ងៃទី៦ ខែសីហា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ និងជាប្រធានឧត្តមមន្ត្រីដឹកជញ្ជូនកម្ពុជា បានដឹកនាំកិច្ចប្រជុំពិភាក្សាលើវឌ្ឍនភាព នៃការត្រៀមរៀបចំកិច្ចប្រជុំក្រុមការងារបច្ចេកទេសកំពង់ផែអាស៊ាន-ជប៉ុន លើកទី២៣ (23rd ASEAN-Japan Port Technology (PTG) និងសិក្ខាសាលា ស្ដីពីការយល់ដឹងអំពីកំពង់ផែអព្យាក្រឹតកាបូននៅក្នុងតំបន់អាស៊ាន ដែលគ្រោងនឹងរៀបចំនៅថ្ងៃទី១០-១១ ខែធ្នូ ឆ្នាំ២០២៥ ដោយបានជួបពិភាក្សាជាបឋមជាមួយ Mr. ABE Keisuke លេខាទី៣ នៃស្ថានទូតជប៉ុនប្រចាំកម្ពុជា និងមានការចូលរួមពីតំណាងអគ្គនាយកដ្ឋាន អង្គភាពពាក់ព័ន្ធក្រោមឱវាទក្រសួងសាធារណការ និងដឹកជញ្ជូន៕