អញ្ជើញមកចូលរួមស្តាប់ការចែករំលែកបទពិសោធន៍របស់និស្សិតវិទ្យាស្ថានតេជោសែន សាធារណការ និងដឹកជញ្ជូន ដែលបាន Exchange Program ទៅសិក្សានៅប្រទេសចិន និស្សិត គង់ សុខលីដា កំពុងបន្តការសិក្សានៅប្រទេសចិន ឆ្នាំទី៥ ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ បានបង្ហាញចំណាប់អារម្មណ៍ពីឱកាសទទួលបានអាហារូបករណ៍ទៅសិក្សានៅប្រទេសចិន និងឱកាសនានា ដែលវិទ្យាស្ថានតេជោសែន សាធារណការ និងដឹកជញ្ជូន(TSIPWT) ផ្តល់ឱ្យ។ សូមបញ្ជាក់ផងដែរថា៖ ជំនាញវិស្វករសំណង់ស្ពាន-ថ្នល់ ជាមុខជំនាញដ៏ពេញនិយម និងមានតម្រូវការខ្ពស់នៅក្នុងប្រទេសកម្ពុជា។ ហេតុនេះនិស្សិតវិស្វករដែលសិក្សានៅ TSIPWT នឹងទទួលបានឱកាសប្រកួតប្រជែងខ្ពស់ ព្រោះវិទ្យាស្ថាន ជាគ្រឹះស្ថានឧត្ដមសិក្សាសាធារណៈ ដែលបណ្ដុះបណ្ដាល និងកសាងធនធានមនុស្ស ក្នុងវិស័យវិស្វករស្ពាន-ថ្នល់ និងជំនាញនានាក្នុងវិស័យសំណង់សាធារណការ ដើម្បីឆ្លើយតបទៅនឹងតម្រូវការបច្ចុប្បន្ន។ បន្ថែមពីនេះ វិទ្យាស្ថានមិនត្រឹមតែមានដៃគូសហការជាមួយនឹងប្រទេសចិនតែមួយនោះទេ ប៉ុន្តែវិទ្យាស្ថានមានដៃគូសហការជាមួយបណ្តាប្រទេសផ្សេងៗទៀត ដូចជា កូរ៉េ ជប៉ុន អូស្ត្រាលី និងវៀតណាមជាដើម៕