ផាសិនទឹកឃ្មុំ ក្លិនមហាក្រអូប ឈ្ងុយពេញផ្ទះ រសជាតិផ្អែម ដាំដុះលើទឹកដីមណ្ឌលគិរី យើងហ្នឹង! ខេត្តមណ្ឌលគិរី អំណោយផលយ៉ាងខ្លាំងដល់ការដាំដុះដំណាំផាសិននេះ ដោយសារសណ្ឋានដី អាកាសាធាតុ រយៈកម្ពស់ របបទឹកភ្លៀង និងលក្ខខណ្ឌផ្សេងទៀត ដែលក្នុងនោះគេឃើញមានប្រជាសិករនៅឃុំដាក់ដាំ ស្រុកអូររាំង និងនៅឃុំប៊ូស្រា ស្រុកពេជ្រាដា និយមដាំដំណាំឡើងទ្រើងនេះច្រើនណាស់ ខណៈដែលទីផ្សារក្នុងស្រុក និងក្រៅស្រុកបច្ចុប្បន្នកំពុងមានតម្រូវការយ៉ាងខ្លាំង។ សូមចូលរួមគាំទ្រដំណាំកសិផលក្នុងស្រុក ក៏ដូចជាចូលរួមកាត់បន្ថយការនាំចូលពីប្រទេសជិតខាង ដើម្បីចូលរួមក្នុងការអភិវឌ្ឍសេដ្ឋកិច្ចជាតិ និងលើកស្ទួយជីវភាពប្រជាជនយើងទាំងអស់គ្នា៕ ប្រភពរូបភាពពី៖ ផ្ទះចម្ការកសិដ្ឋាន មណ្ឌលគិរី