ជំនួបពិភាក្សាអំពីគម្រោងរៀបចំកិច្ចប្រជុំទូទៅលើកទី៤ នៃភាពជាដៃគូលើការគ្រប់គ្រងទឹកកខ្វក់ក្នុងតំបន់អាស៊ី (AWaP) ទីស្តីការក្រសួង៖ នាថ្ងៃសុក្រ ទី៦ ខែមិថុនា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាអំពីគម្រោងរៀបចំកិច្ចប្រជុំទូទៅលើកទី៤ នៃភាពជាដៃគូលើការគ្រប់គ្រងទឹកកខ្វក់ក្នុងតំបន់អាស៊ី (The 4th General Meeting of Asia Wastewater Management Partnership-AWaP) ដោយមានការចូលរួមដោយផ្ទាល់ពីថ្នាក់ដឹកនាំក្រសួង មន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ និងតាមរយ:វីដេអូពីចម្ងាយ មានការចូលរួមពីលោក Hasegawa នាយកនៃគម្រោងក្រៅប្រទេសនៃវិស័យទឹកស្អាត និងទឹកកខ្វក់ និងតំណាងក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍(MLIT)នៃប្រទេសជប៉ុន។ កិច្ចប្រជុំនេះ ធ្វើឡើងក្នុងគោលបំណងដើម្បីពិភាក្សា អំពីគម្រោងរៀបចំកិច្ចប្រជុំទូទៅលើកទី៤ នៃភាពជាដៃគូការគ្រប់គ្រងទឹកកខ្វក់ក្នុងតំបន់អាស៊ី(AWaP) ដែលសហការរៀបចំជាមួយក្រសួងដែនដី ហេដ្ឋារចនាសម្ព័ន្ធ និងទេសចរណ៍នៃប្រទេសជប៉ុន (MLIT) ដោយកិច្ចប្រជុំនេះ គ្រោងនឹងប្រព្រឹត្តទៅ នាថ្ងៃទី១៨ ខែវិច្ឆិកា ឆ្នាំ២០២៥ ខាងមុខនេះ នៅរាជធានីភ្នំពេញ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube