ផ្លូវជាតិលេខ៥៥ ជាផ្លូវទេសចរណ៍ធម្មជាតិដ៏ស្រស់ស្អាត ឡើងចុះភ្នំ បត់បែន អមដោយព្រៃឈើ ជួរភ្នំ ទឹកជ្រោះ វាលស្រែបៃតង គួរឱ្យគយគន់ និងចាប់អារម្មណ៍បំផុតក្នុងប្រទេសកម្ពុជា។ ផ្លូវនេះ គឺជាសរសៃឈាមសេដ្ឋកិច្ចជាតិដ៏មានសក្តានុពល សម្រួលដល់ការដឹកជញ្ជូនកសិផល និងផលិតផលពីក្នុងតំបន់ទៅកាន់ទីផ្សារក្នុង និងក្រៅប្រទេស។ សូមជម្រាបជូនថា ផ្លូវជាតិលេខ៥៥ ជាប្រភេទផ្លូវ DBST មានប្រវែងសរុប ១៨៩,១៦ គីឡូម៉ែត្រ ចាប់ពីខេត្តពោធិ៍សាត់ (ផ្លូវជាតិលេខ ៥ គីឡូម៉ែត្រលេខ ១៩១) ទៅដល់ វាលវែង-ថ្មដា (ព្រំដែនកម្ពុជា-ថៃ) បានចាប់បើកការដ្ឋានសាងសង់នាថ្ងៃទី០៤ ខែឧសភា ឆ្នាំ២០១៥ និងបានសម្ពោធបើកឱ្យប្រើប្រាស់ជាផ្លូវការនាថ្ងៃទី០៩ ខែមីនា ឆ្នាំ២០២០៕