ខេត្តកំពង់ឆ្នាំង៖ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ឆ្នាំង នៅព្រឹកថ្ងៃទី 5 ខែតុលាឆ្នាំ 2015 នេះបានចូលរួមក្នុងកម្មវិធីសួរនិងឆ្លើយសំណួរចែកមួកសុវត្ថិភាពដល់ប្រជាពលរដ្ឋនៅក្នុងក្រុងកំពង់ឆ្នាំង នៅក្នុងសង្កាត់ប្អេរ ក្រុងកំពង់ឆ្នាំង។ នៅក្នុងឱកាសនេះ ឯកឧត្តម បានលើកឡើងថា៖ មួកសុវត្ថិភាពមួយអាចជួយសង្គ្រោះជីវិតយើងបានក្នុងពេលដែលយើងមានគ្រោះថ្នាក់ចរាចរណ៍ ដូច្នេះអ្នកបើកបរម៉ូតូគ្រប់ប្រភេទ សូមចូលរួមគោរពច្បាប់ចរា ចរណ៍អោយបានខ្ជាប់ខ្ជួន ដោយត្រូវតែពាក់មួកសុវត្ថិភាពឲ្យបានគ្រប់គ្នាទៅទៅទីជិតឬទីឆ្ងាយក៏ដោយ។ ឯកឧត្តម ក៏សំណូមអំពាវនាវផងដែរនៅក្នុងបុណ្យកាន់បិណ្ឌ និងភ្ជុំបិណ្ឌនេះសូមបងប្អូនរួមគ្នាគោ រពច្បាប់ចរាចរណ៍ឱ្យបានខ្ជាប់ខ្ជួនម៉ឺងម៉ាត់ ដូចជាកុំបើកបរហួសល្បឿនកំណត់ កុំបើកបរក្នុងភាពស្រវឹងកុំបើកបររំលោភសិទ្ធអត្ថិភាព កុំវ៉ាជែងក្នុងស្ថាភាពគ្រោះថ្នាក់ ត្រូវគោរពគោរពផ្លាកសញ្ញាចរាចរណ៍ គំនូសញ្ញាចរាចរណ៍ ចំពោះរថយន្តតាក់ស៊ីកុំតម្លើងថ្លៃ កុំដឹកឥវ៉ាន់សំពីងសំពោង និងដឹកលើសចំណុះ កុំតទ្រុងខុសលក្ខណៈបច្ចេកទេស និងត្រូវមានសីលធម៌ក្នុងពេលបើកបរដោយត្រូវចេះយោគយល់អធ្យាស្រ័យអោយគ្នា ទើបអាចទប់ស្កាត់និងកាត់បន្តយបានគ្រោះថ្នាក់ចរាចរណ៍នៅលើដងផ្លូវនៅក្នុងបុណ្យភ្ជុំបិណ្ឌនេះ។ ដោយឡែកលោក កែវ ពៅ ប្រធានលេខាធិការដ្ឋានសុវត្ថិភាពចរាចរណ៍ផ្លូវគោកខេត្តកំពង់ឆ្នាំង និងជាប្រធានមន្ទីរសាធារណៈការខេត្ត ក៏បានថ្លែងឲ្យដឹងផងដែរថា៖ នៅក្នុងថ្ងៃនេះអនុគណៈកម្មការសុវត្ថិភាពចរាចរណ៍ផ្លូវគោកខេត្ត មានមួកសុវត្ថិភាពចំនួន 50 មួក ដើម្បីចែកជូនដល់បងប្អូនប្រជាពលរដ្ឋដែ លអទ់បួក និងបានឆ្លើយនឹងសំណួរៃច្បាប់ចរាចរណ៍បានត្រឹមត្រូវចំនួន3សំនួរ នឹងត្រូវបានទទួលមួកសុវត្ថិភាពមួយ ។ ដោយឡែកអ្នកឆ្លើយសំណួរមិនត្រូវ គឺត្រូវផ្តល់អោយតែខិតបណ្ណ័របស់ច្បាប់ចរាចរណ៍យកទៅរៀនសូត្រតែប៉ុណ្ណោះ ។ លោក កែវ ពៅ បានបញ្ជាក់អោយដឹងទៀតថា៖ កន្លងមកនៅក្នុងឆ្នាំ 2018 នេះមន្ទីរសាធារណការខេត្តក៏ដូចជាគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ឆ្នាំង ក៏បានយកចិត្តទុកដាក់ចុះពង្រឹងអប់រំច្បាប់ចរាចរណ៍ និងចែកមួកសុវត្ថិភាពដល់ប្រជាពលរដ្ឋនៅគ្រប់ស្រុកក្រុងទាំង៨ផងដែរបានចំនួន15 លើក ដែលក្នុងនោះក៏បានចែកជូនមួកសុវត្ថិភាពជាង1000 មួកដល់ប្រជាពលរដ្ឋយើងដែលពួកគាត់បានឆ្លើយត្រូវនឹងសំនួរនៃច្បាប់ចរាចរណ៍ផងដែរ។ នៅក្នុងពិធីនេះដែរ ប្រជាពលរដ្ឋដែលឆ្លើយសំណួរនៃច្បាប់ចរាចរណ៍ត្រូវ ក៏បានប្តេជ្ញាចិត្តថា នឹងអប់រំកូនចៅនៅក្នុងគ្រួសារ អោយពាក់មួកសុវត្ថិភាពអោយបានគ្រប់ៗ ដើម្បីកុំអោយមានគ្រោះថ្នាក់ធ្ងន់ធ្ងរនៅពេលជួបគ្រោះថ្នាក់ចរាចរណ៍ដោយចៃដន្យ ។ ចំណែកយុវជនកាកបាទក្រហម ក៏បានសុំអំពាវនាវផងដែរ ដល់យុវជននិងសិស្សសាលាទាំងអស់នៅក្នុងខេត្ត សូមនាំគ្នាធ្វើជាគំរូក្នុងការគោរពច្បាប់ចរាចរណ៍អោយបានទាំងអស់គ្នា ដើម្បីសុវត្ថិភាពរបស់ខ្លួន និងកុំអោយក្រុមគ្រួសារខាតបង់ថវិកាដោយសារតែយើងជាកូនៗមិនគោរពច្បាប់ចរាចរណ៍ និងមានគ្រោះថ្នាក់លំបាកដល់ឪពុកម្តាយរបស់យើង ៕