កិច្ចប្រជុំពិភាក្សាលើសេចក្តីព្រាងលទ្ធផលនៃការសិក្សាតម្រូវការវិនិយោគផ្លូវដែកនៅកម្ពុជា ដោយក្រុមជំនាញការ JICA ក្រោមគម្រោងជំនួយបច្ចេកទេស ទីស្តីការក្រសួង៖ នាថ្ងៃអង្គារ ទី១៣ ខែឧសភា ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំពិភាក្សាលើសេចក្តីព្រាងលទ្ធផលនៃការសិក្សាតម្រូវការវិនិយោគផ្លូវដែកនៅកម្ពុជា ដោយមានការចូលរួមពី ថ្នាក់ដឹកនាំក្រសួង មន្ត្រីជំនាញពាក់ព័ន្ធ និងក្រុមជំនាញការ JICA តាមរយៈប្រជុំដោយផ្ទាល់ និងតាមប្រព័ន្ធវីដេអូពីចម្ងាយផងដែរ។ ជំនួបពិភាក្សានេះ ធ្វើឡើងក្នុងគោលបំណងដើម្បីពិនិត្យទៅលើបទបង្ហាញនៃការសិក្សាទៅលើការធ្វើឱ្យប្រសើរឡើងប្រព័ន្ធដឹកជញ្ជូនផ្លូវដែកកម្ពុជា រួមមានទំនើបកម្មសម្ភារ បរិក្ខារ ការជួសជុលស្ពាន លូ ការបំពាក់ឧបករណ៍ពង្រឹងសុវត្ថិភាព ការដំឡើងប្រព័ន្ធផ្តល់សញ្ញា ការអប់រំប្រជាជន ជាពិសេសដែលរស់នៅតាមខ្សែផ្លូវរថភ្លើង និងការបង្កើនវិធានការចាំបាច់សំដៅទប់ស្កាត់សកម្មភាពគ្រោះថ្នាក់ផ្សេងៗតាមខ្សែផ្លូវដែក៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube