កិច្ចប្រជុំពិនិត្យ និងពិភាក្សាស្ដីពីវឌ្ឍនភាពនៃការងារសិក្សា និងទទួលនូវមតិយោបល់កែលម្អលើការរៀបចំលក្ខណៈវិនិច្ឆ័យកំណត់បញ្ជីរបៀងអាទិភាពនៃគម្រោងសិក្សាបឋមរថភ្លើងក្រោមដី (Metro) ក្នុងភូមិសាស្រ្តរាជធានីភ្នំពេញ ទីស្ដីការក្រសួង៖ នាព្រឹកថ្ងៃចន្ទ ទី១២ ខែឧសភា ឆ្នាំ២០២៥ ឯកឧត្ដម វ៉ាស៊ឹម សុរិយា អនុរដ្ឋលេខាធិកា និងជាអនុប្រធានក្រុមការងាររៀបចំ និងអនុវត្តគម្រោងការសិក្សា និងអនុវត្តគម្រោងសិក្សាបឋមបណ្ដាញរថភ្លើងក្រោមដីនៅរាជធានីភ្នំពេញក្រោមក្របខណ្ឌជំនួយបច្ចេកទេសពីធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី (AIIB) បានអញ្ជើញដឹកនាំកិច្ចប្រជុំពិនិត្យ និងពិភាក្សាស្ដីពីវឌ្ឍនភាពនៃការងារសិក្សា និងទទួលនូវមតិយោបល់កែលម្អលើការរៀបចំលក្ខណៈវិនិច្ឆ័យកំណត់បញ្ជីរបៀងអាទិភាពនៃគម្រោងរថភ្លើងក្រោមដី (Metro)ក្នុងភូមិសាស្រ្តរាជធានីភ្នំពេញ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សា អគ្គនាយកដ្ឋានជំនាញ តំណាងមន្ទីរសាធារណការ និងដឹកជញ្ជូន ទីប្រឹក្សាបច្ចេកទេស តំណាងធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី (AIIB) និងមន្រ្តីជំនាញក្រោមឱវាទក្រសួង។ កិច្ចប្រជុំនេះធ្វើឡើងក្នុងគោលបំណងដើម្បីពិនិត្យមើលវឌ្ឍនភាពនៃការងារសិក្សាដែលបានអនុវត្តនាពេលកន្លងមក និងដើម្បីពិនិត្យមើលលក្ខណៈវិនិច្ឆ័យទាំងផ្នែកសេដ្ឋកិច្ច សង្គម បរិស្ថាន តម្រូវការតភ្ជាប់ និងលទ្ធភាពដីបម្រុងទុកក្នុងការកំណត់ពីរបៀងអាទិភាពនៃខ្សែរថនៅតាមបណ្ដាមហាវិថី និងផ្លូវសំខាន់ៗ និងការអភិវឌ្ឍតំបន់ Transit-Oriented Development (TOD) ក្នុងភូមិសាស្រ្តរាជធានីភ្នំពេញ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube