កិច្ចប្រជុំពិភាក្សាស្ដីពីវឌ្ឍនភាពការងារនៃការរៀបចំយុទ្ធសាស្ត្រផ្នែកដឹកជញ្ជូនឆ្នាំ២០៣០ TSS 2030 Update (Transport Sector Strategy 2030) ទីស្តីការក្រសួង៖ នាព្រឹកថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំពិភាក្សាស្ដីពីវឌ្ឍនភាពការងារនៃការរៀបចំយុទ្ធសាស្ត្រផ្នែកដឹកជញ្ជូន២០៣០ TSS 2030 Update (Transport Sector Strategy 2030) ជាមួយក្រុមការងារលេខាធិការដ្ឋាន នៃធនាគារអភិវឌ្ឍន៍អាស៊ី ADB (Asian Development Bank) ទទួលបន្ទុករៀបចំបច្ចុប្បន្នភាពយុទ្ធសាស្ត្រផ្នែកដឹកជញ្ជូន ២០៣០ (TSS 2030 Update - Transport Sector Strategy 2030 Update) ដោយមានការអញ្ជើញចូលរួមពីថ្នាក់ដឹកនាំក្រសួង តំណាងអន្តរក្រសួង-ស្ថាប័ន និងវិស័យឯកជន អង្គភាពពាក់ព័ន្ធក្រោមឱវាទក្រសួង ព្រមទាំងមានការចូលរួមតាមរយៈប្រព័ន្ធវីដេអូពីចម្ងាយផងដែរ។ កិច្ចប្រជុំពិភាក្សានេះ រៀបចំឡើងក្នុងគោលបំណងចំនួន៣ គឺ (១) ពិនិត្យលើវឌ្ឍនភាពការងារ និងលទ្ធផលសម្រេចបាន និងបញ្ហាប្រឈមដើម្បីស្វែងរកដំណោះស្រាយនៅក្នុង TSS 2030 Update (២) ការអភិវឌ្ឍសំខាន់ៗនៅក្នុងបរិយាកាសប្រតិបត្តិការខាងក្នុង និងខាងក្រៅ ដែលប៉ះពាល់ដល់ការអនុវត្ត TSS 2030 និង (៣) ការធ្វើវិសោធនកម្ម ការកែសម្រួល ឬការកែលម្អនៅក្នុងក្របខ័ណ្ឌយុទ្ធសាស្រ្តកម្មវិធីវិនិយោគ និងហិរញ្ញប្បទាន រួមទាំងការត្រួតពិនិត្យវាយតម្លៃដែលចាំបាច់ត្រូវបញ្ចូលទៅក្នុង TSS ដែលគ្របដណ្តប់លើរយៈពេលនៃការអនុវត្ត TSS 2030 ដែលនៅសេសសល់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube