(ព័ត៌មានជាតិ)៖ សូមកុំភ្លេចរកផ្លូវវាងផង នៅថ្ងៃទី ០២ ខែកុម្ភៈ ឆ្នាំ២០២៥ នេះ រដ្ឋបាលខេត្តកណ្ដាល បានចេញសេក្ដីជូនដំណឹង ស្តីពីការពង្វាងចរាចរណ៍ នៅចំណុចស្ពានអាកាសសម្តេចមហាបវរធិបតី ហ៊ុន ម៉ាណែត ប្រសព្វរវាងមហាវិថីសម្តេចតេជោ ហ៊ុន សែន និងផ្លូវជាតិលេខ២ នៅថ្ងៃទី ៣ - ១៥ - ១៧ ខែកុម្ភៈ ឆ្នាំ២០២៥ ដើម្បីរៀបចំស្ដូចលើកធ្នឹមស្ពានបេតុងអាម៉េ ចូលក្នុងការដ្ឋានសាងសង់។ កំណាត់ផ្លូវ និងទីតាំងដែលបានបិទ មានដូចខាងក្រោម៖ -ថ្ងៃទី៣ ខែកុម្ភៈ ឆ្នាំ២០២៥ បិទចរាចរណ៍កំណាត់ផ្លូវ ៦០ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ម៉ែត្រ មកដល់ផ្លូវជាតិលេខ២ (ក្នុងបរិវេណ ការដ្ឋាន) ចាប់ពីម៉ោង ៧:០០នាទីព្រឹក រហូតដល់ម៉ោង ១០:០០នាទីយប់។ -ថ្ងៃទី១៥ ខែកុម្ភៈ ឆ្នាំ២០២៥ បិទចរាចរណ៍កំណាត់ផ្លូវ ៦០ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ម៉ែត្រ មកដល់ផ្លូវជាតិលេខ២ (ក្នុងបរិវេណ ការដ្ឋាន) ចាប់ពីម៉ោង ៧:០០នាទីព្រឹក រហូតដល់ម៉ោង ១០:០០នាទីយប់។ -ថ្ងៃទី ១៧ ខែកុម្ភះ ឆ្នាំ២០២៥ បិទចរាចរណ៍កំណាត់ផ្លូវជាតិលេខ២ (ក្នុងបរិវេណការដ្ឋាន) និងផ្លូវ ៦០ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ម៉ែត្រ ទៅដល់មហាវិថី ព្រលានសម្តេចតេជោ ចាប់ពីម៉ោង ៧:០០នាទីព្រឹក រហូតដល់ម៉ោង ១០:០០នាទីយប់។ អាស្រ័យហេតុនេះសូម សម្តេចទ្រង់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី និងបងប្អូនប្រជាពលរដ្ឋទាំងអស់ ព្រមទាំងស្ថាប័នមានសមត្ថកិច្ចពាក់ព័ន្ធមេត្តាជ្រាប និងចូលរួម សហការ អនុវត្តតាមខ្លឹមសារសេចក្តីជូនដំណឹងនេះប្រកបដោយប្រសិទ្ធភាព៕