ថ្នាក់ដឹកនាំ និងមន្ត្រីបច្ចេកទេសចុះត្រួតពិនិត្យស្ថានភាពមហាវិថី ស៊ី ជីនពីង ដើម្បីបង្កើនប្រសិទ្ធភាព និងសុវត្ថិភាពដល់អ្នកដំណើរ ភ្នំពេញ៖ នាព្រឹកថ្ងៃពុធ ទី២៥ ខែកញ្ញា ឆ្នាំ២០២៤ ឯកឧត្ដម លឹម ស៊ីដេនីន រដ្ឋលេខាធិការ ក្រសួងសាធារណការ និងដឹកជញ្ជូន ឯកឧត្តម ផន រឹម អ្នកនាំពាក្យក្រសួង បានចុះពិនិត្យស្ថានភាពមហាវិថី ស៊ី ជីនពីង (ក្រវាត់ក្រុងទី៣) ដើម្បីបង្កើនប្រសិទ្ធភាព និងសុវត្ថិភាពដល់អ្នកដំណើរ ដោយមានការចូលរួមពីថ្នាក់ដឹកនាំ មន្ត្រីជំនាញបច្ចេកទេសក្រសួង មន្ទីរសាធារណការ និងដឹកជញ្ជូន ខេត្តកណ្តាល អាជ្ញាធរស្រុកកៀនស្វាយ ខេត្តកណ្តាល ក្រុមបច្ចេកទេសក្រុមហ៊ុនសំណង់សៀងហៃ (SCG) និងមន្ត្រីពាក់ព័ន្ធជាច្រើនរូបទៀតផងដែរ។ បេសកកម្មចុះត្រួតពិនិត្យនេះ ធ្វើឡើងដើម្បីប្រមូលធាតុចូល ឈានទៅកែសម្រួល និងបំពេញបន្ថែមចន្លោះខ្វះខាតផ្នែកបច្ចេកទេសមួយចំនួន ដើម្បីសម្រួល និងបង្កើនប្រសិទ្ធភាព និងសុវត្ថិភាពដល់ការធ្វើដំណើរ និងការដឹកជញ្ជូនរបស់បងប្អូនប្រជាពលរដ្ឋ។ សូមអំពាវនាវដល់ប្រជាពលរដ្ឋអ្នកប្រើប្រាស់មហាវិថីនេះ បើកបរដោយស្មារតីប្រុងប្រយ័ត្ន កុំបើកបរលើសល្បឿនកំណត់ និងត្រូវគោរពច្បាប់ចរាចរណ៍ផ្លូវគោកឱ្យបានខ្ជាប់ខ្ជួន ដើម្បីសុខសុវត្ថិភាពទាំងអស់គ្នា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.YouTube