ក្រសួងសាធារណការ និងដឹកជញ្ជូន និងបេឡាជាតិសន្តិសុខសង្គម (ប.ស.ស) សហការរៀបចំធ្វើប័ណ្ណសមាជិករបបសន្ដិសុខសង្គម ផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស របស់មន្ត្រីរាជការ ទីស្តីការក្រសួង៖ ចាប់ពីថ្ងៃទី១៧ ដល់២០ ខែកញ្ញា ឆ្នាំ២០២៤ ក្រសួងសាធារណការ និងដឹកជញ្ជូន និងបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ បានសហការរៀបចំធ្វើប័ណ្ណសមាជិករបបសន្ដិសុខសង្គម ផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស របស់មន្ត្រីរាជការនៅថ្នាក់ជាតិទាំងអស់នៃក្រសួងក្រសួងសាធារណការ និងដឹកជញ្ជូន។ កិច្ចសហការនេះ រៀបចំឡើងក្នុងគោលបំណងផ្ដល់សេវាថែទាំសុខភាព ជូនសមាជិកក្នុងបន្ទុករបស់មន្ត្រីរាជការ រួមមាន ប្តី ឬប្រពន្ធ និងកូនក្នុងបន្ទុក (កូនអាយុក្រោម ១៨ឆ្នាំ) អាចទទួលបាននូវអត្ថប្រយោជន៍របបសន្តិសុខសង្គមផ្នែកថែទាំវេជ្ជសាស្ត្រនៅតាមមូលដ្ឋានសុខាភិបាលដែលជាដៃគូជាមួយ ប.ស.ស និងប្រាក់បំណាច់មាតុភាពផងដែរ ។ សូមជម្រាបជូនថា រាជរដ្ឋាភិបាល បានពង្រីកវិសាលភាពនៃការអនុវត្ត របបសន្តិសុខសង្គម សម្រាប់អ្នកក្នុងបន្ទុកមន្ត្រីសាធារណៈ ដែលជាផ្នែកមួយជួយគ្រប់គ្រង និងកាត់បន្ថយចំណាយលើបញ្ហាសុខភាព និងគ្រោះថ្នាក់ផ្សេងៗ សំដៅរក្សាលំនឹងប្រាក់ចំណូលក្នុងគ្រួសារ បង្កើនផលិតភាពការងារ និងជួយលើកកម្ពស់របបសន្តិសុខសង្គមនៅកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube