កិច្ចប្រជុំពិភាក្សាជាមួយលេខាធិការដ្ឋាន គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) តាមរយៈប្រព័ន្ធវីដេអូពីចម្ងាយ ទីស្ដីការក្រសួង៖នារសៀលថ្ងៃព្រហស្បត្តិ៍ ទី២២ ខែសីហា ឆ្នាំ២០២៤ ឯកឧត្ដម សួន រចនា រដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធានប្រចាំការនៃគណៈកម្មាធិការដឹកនាំកំណែទម្រង់វិមជ្ឈការ និងវិសហមជ្ឈការនៃក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារក្រសួងចូលរួមកិច្ចប្រជុំពិភាក្សាជាមួយលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) អំពីបញ្ហាប្រឈម និងបទពិសោធន៍នានា ក្នុងការអនុវត្តកម្មវិធីជាតិដំណាក់កាលទី១ តាមរយៈប្រព័ន្ធវីដេអូពីចម្ងាយ ដោយមានការអញ្ជើញចូលរួមពីថ្នាក់ដឹកនាំក្រសួង និងតាមរយៈប្រព័ន្ធវីដេអូពីចម្ងាយពីឯកឧត្តម លោកជំទាវតំណាងថ្នាក់ដឹកនាំក្រសួង-ស្ថាប័ន និងភាគីពាក់ព័ន្ធ។ កិច្ចប្រជុំនាពេលនេះ ធ្វើឡើងក្នុងគោលបំណងដើម្បីពិនិត្យវាយតម្លៃវឌ្ឍនភាព និងបញ្ហាប្រឈម នានា ជាពិសេសដើម្បីផ្ដល់បទពិសោធន៍នានា ក្នុងការអនុវត្តកម្មវិធីជាតិដំណាក់កាលទី១ (ឆ្នាំ ២០១១ _២០២០ ) សម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ហើយការដាក់ឱ្យដំណើរការស្ថាប័នរដ្ឋបាលថ្នាក់ក្រោមជាតិ ស្របតាមគោលការណ៍ នៃការអភិវឌ្ឍតាមបែបប្រជាធិបតេយ្យ រួមជាមួយនឹងការផ្ទេរមុខងារ និងធនធានចាំបាច់មួយចំនួនទៅឱ្យរដ្ឋបាលថ្នាក់ក្រោមជាតិ ដើម្បីធានាដល់ការលើកកម្ពស់ប្រសិទ្ធភាព និងគុណភាពនៃការផ្ដល់សេវាសាធារណៈចាំបាច់នានាជូនប្រជាពលរដ្ឋ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube