(ភ្នំពេញ)៖ លោក អៀង វ៉េងស៊ុន រដ្ឋលេខាធិការក្រសួងសាធារណការ និងដឹកជញ្ជូន និង លោកស្រី មីរ៉ា យ៉ូស៊ីកូ តំណាងជាន់ខ្ពស់របស់ទីភ្នាក់ងារ JICA ប្រចាំនៅកម្ពុជា នាថ្ងៃទី២៥ ខែមិថុនា ឆ្នាំ២០២៤ បានដឹកនាំកិច្ចប្រជុំគណៈកម្មាធិការសម្របសម្រួលលើកទី៣ នៃគម្រោងពង្រឹងសមត្ថភាពរដ្ឋបាលកំពង់ផែ ក្នុងព្រះរាជាណាចក្រកម្ពុជា ដែលមានការចូលរួមពី ថ្នាក់ដឹកនាំ និងមន្រ្តីបច្ចេកទេសពាក់ព័ន្ធ នៃក្រសួង និងក្រុមអ្នកជំនាញការបច្ចេកទេសជប៉ុន។ កិច្ចពិភាក្សានេះធ្វើឡើងដើម្បីរៀបចំផែនការ និងតំបន់កំពង់ផែ ដើម្បីធានាឲ្យមានការអភិវឌ្ឍកំពង់ផែសមស្របទៅតាមច្បាប់ស្តីពី ការដឹកជញ្ជូនតាមផ្លូវទឹក នៅព្រះរាជាណាចក្រកម្ពុជា៕