កិច្ចប្រជុំ IIICF លើកទី១៥ (International Infrastructure Innovation Investment and Construction Forum) នៅម៉ាកាវ ប្រទេសចិន ប្រទេសចិន៖ ថ្ងៃពុធ ទី១៩ ខែមិថុនា ឆ្នាំ២០២៤ ឯកឧត្តមបណ្ឌិត រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួងចូលរួមកិច្ចប្រជុំ IIICF លើកទី១៥ (International Infrastructure Innovation Investment and Construction Forum) នៅម៉ាកាវប្រទេសចិន ដោយមានការអញ្ជើញចូលរួមអមដំណើរពីឯកឧត្តមអនុរដ្ឋលេខាធិការ ដែលជាថ្នាក់ដឹកនាំក្រសួង។ កិច្ចប្រជុំនេះរៀបចំឡើងដើម្បីផ្តល់នូវឱកាសដល់វិនិយោគិនក្រៅប្រទេសឱ្យបានយល់ដឹងកាន់តែច្បាស់អំពីសភាពការណ៍ពិតជាក់ស្ដែង និងភាពរីកចម្រើនរបស់ប្រទេសកម្ពុជានាពេលបច្ចុប្បន្ន ក្នុងការទាក់ទាញអ្នកវិនិយោគដែលមានលទ្ធភាព អាចមកវិនិយោគនៅប្រទេសកម្ពុជា ប្រកបដោយភាពជឿជាក់ និងទំនុកចិត្តខ្ពស់ ។ ថ្លែងនាឱកាសនោះ ឯកឧត្តមប្រធានគណ:ប្រតិភូក៍បានអញ្ជើញផ្តល់កិត្តិយសធ្វើបទបង្ហាញ ស្តីពីការអភិវឌ្ឍលើវិស័យសាធារណការ ដែលរួមមាន៖ ហេដ្ឋារចនាសម្ព័ន្ធដឹកជញ្ជូន ហេដ្ឋារចនាសម្ព័ន្ធអនាម័យ Solid Waste និងប្រព័ន្ធចម្រោះទឹកកខ្វក់ ព្រមទាំង National Logistics Master Plan ផងដែរ ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube