ការចុះត្រួតពិនិត្យ ការងារប្រគល់-ទទួលបច្ចេកទេស អនុគម្រោងសាងសង់ផ្លូវប្របឆ្នេរកែប និងអនុគម្រោងសាងសង់កំពង់ផែទេសចរណ៍កោះទន្សាយ ក្រោមឥណទានធនាគារអភិវឌ្ឍន៍អាស៊ី (ADB) ខេត្តកែប៖ នៅថ្ងៃទី២៩ ខែឧសភា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួងចុះត្រួតពិនិត្យ ការងារប្រគល់-ទទួលបច្ចេកទេស អនុគម្រោងសាងសង់ផ្លូវប្របឆ្នេរកែប និងអនុគម្រោងសាងសង់កំពង់ផែទេសចរណ៍កោះទន្សាយ ក្រោមឥណទានធនាគារអភិវឌ្ឍន៍អាស៊ី (ADB)។ គម្រោងសាងសង់ផ្លូវប្របឆ្នេរកែប មានទីតាំងនៅក្នុងក្រុងកែប ខេត្តកែបនេះ ត្រូវបានចាប់ផ្តើមសាងសង់កាលពីថ្ងៃទី២៤ ខែមករា ឆ្នាំ២០២២ និងបញ្ជប់នៅថ្ងៃទី២៩ ខែកុម្ភៈ ឆ្នាំ២០២៤ ជាអនុគម្រោង នៃគម្រោងអភិវឌ្ឍន៍ក្រុងរបៀងខាងត្បូង។ ចំពោះគម្រោងសាងសង់កំពង់ផែកោះទន្សាយ មានទីតាំងនៅក្នុង សង្កាត់កែប ក្រុងកែប ខេត្តកែប ត្រូវបានសាងសង់កាលពីថ្ងៃទី១១ ខែវិច្ឆិកា ឆ្នាំ២០២១ និងបញ្ចប់ការសាងសង់នៅថ្ងៃទី២៩ ខែកុម្ភៈ ឆ្នាំ២០២៤ ជាអនុគម្រោងទី៣ ស្ថិតក្នុងគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាបន្ននៃមហាអនុតំបន់មេគង្គជំហានទី២។ សូមជម្រាបជូនផងដែរថា ការចុះត្រួតពិនិត្យនេះ មានការអញ្ជើញចូលរួមពី ឯកឧត្តមអនុរដ្ឋលេខាធិការ តំណាងអគ្គនាយកដ្ឋានរដ្ឋបាល និងហិរញ្ញវត្ថុ តំណាងអគ្គនាយកដ្ឋានសាធារណការ តំណាងអគ្គនាយកដ្ឋានបច្ចេកទេស តំណាងអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ប្រធានមន្ទីរសាធារណការ និងដឹកជញ្ជូនខេត្តកែប ប្រធានគម្រោង តំណាងក្រុមហ៊ុនទីប្រឹក្សា និងមន្ត្រីពាក់ព័ន្ធមួយចំនួនទៀត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube