មណ្ឌលគិរី៖ ថ្ងៃសៅរ៍ ទី១៨ ខែឧសភា ឆ្នាំ២០២៤ ឯកឧត្តម ឈួន វិន ប្រធានក្រុមការងារគណបក្សចុះមូលដ្ឋានខេត្តមណ្ឌលគិរី បានអញ្ជើញជាអធិបតីក្នុងពិធីសំណេះសំណាលជាមួយអង្គបោះឆ្នោត ក្នុងយុទ្ធនាការឃោសនាបោះឆ្នោតជ្រើសរើសកុ្រមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ ដោយមានការចូលរួមពី ឯកឧត្តម ថង សាវុន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សខេត្តមណ្ឌលគិរី ឯកឧត្តម ដួង ហេង អនុប្រធានទី១ ក្រុមការងារគណបក្សចុះមូលដ្ឋានខេត្តមណ្ឌលគិរី ឯកឧត្តម ចាន់ យឿន អ្នកតំណាងរាស្រ្តមណ្ឌលខេត្តមណ្ឌលគិរី និង ឯកឧត្តម សួន សុខឃីម អនុប្រធានក្រុមការងារគណបក្សចុះមូលដ្ឋានខេត្តមណ្ឌលគិរី និងជាប្រធានក្រុមការងារគណបក្សចុះមូលដ្ឋានស្រុកកែវសីមា ព្រមទាំងឯកឧត្តម អនុប្រធានក្រុមការងារ សមាជិក សមាជិកា ក្រុមការងារគណបក្សចុះមូលដ្ឋានស្រុកកែវសីមា សរុបប្រមាណ១០០រូប។ ក្នុងឱកាសនេះដែរ ឯកឧត្តម ថង សាវុន បានថ្លែងរាយការណ៍ពីលទ្ធផលការងារគណបក្ស និងអានសាររបស់សម្តេចអគ្គមហាសេនាបតីតេជោហ៊ុន សែន ប្រធានគណបក្ស ជូនដល់អង្គពិធីបានជ្រាប។ ឯកឧត្តម សួន សុឃីម ប្រធានក្រុមការងារគណបក្សចុះមូលដ្ឋានស្រុកកែវសីមា ក៏បានលើកឡើងពីសកម្មភាពក្រុមការងារកន្លងមក និងបានត្រៀមខ្លួនជាស្រេចសម្រាប់ការចូលរួមបោះឆ្នោត បូករួមនឹងរបាយការណ៍សង្ខេបរបស់ប្រធានគណៈកម្មាធិការគណបក្សស្រុក ស្តីពីយុទ្ធនាការឃោសនាបោះឆ្នោតជ្រើសរើសកុ្រមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤។ ថ្លែងក្នុងអង្គពិធី ឯកឧត្តម ឈួន វិន ប្រធានក្រុមការងារ បានថ្លែងអំណរគុណ និងវាយតម្លៃខ្ពស់ដល់ក្រុមការងារ និងគណៈកម្មាធិការគណបក្សគ្រប់លំដាប់ថ្នាក់ លោក លោកស្រី ក្រុមប្រឹក្សាឃុំ នៅស្រុកកែវសីមា ព្រមទាំគណៈកម្មាធិការគណបក្សខេត្តមណ្ឌលគិរី បានដឹកនាំការងារគណបក្ស និងក្រុមការងារគណបក្សចុះមូលដ្ឋានស្រុកកែវសីមា ចុះពង្រឹងការងារគណបក្ស ដែលសម្រេចបានសមិទ្ធផលយ៉ាងច្រើនក្នុងការអភិវឌ្ឍមូលដ្ឋានរបស់យើង និងបម្រើឱ្យផលប្រយោជន៍របស់ប្រជាជន និងសង្គមជាតិ។ ជាទីបញ្ចប់ ឯកឧត្តមប្រធាន បានសំណូមពរឱ្យអង្គបោះឆ្នោតទាំងអស់ត្រូវថែរក្សាសុខភាព និង អញ្ជើញទៅបោះឆ្នោតឱ្យបានគ្រប់ៗគ្នា ដែលមានរូបសញ្ញាទេវតាបាចផ្កា និងមានលេខរៀងទី១ នៅលើសន្លឹកឆ្នោត ឱ្យបានគ្រប់ៗគ្នា ដែលនឹងប្រព្រឹត្តទៅនៅថ្ងៃទី២៦ ខែឧសភា ឆ្នាំ២០២៤ ខាងមុខនេះ ដើម្បីឱ្យគណបក្សបានបន្តបំពេញបេសកកម្មបម្រើផលប្រយោជន៍ជាតិ និងប្រជាពលរដ្ឋ ធានាបានសុខសន្តិភាព ស្ថិរភាព និងការអភិវឌ្ឍជានិរន្តរ៍ ព្រមទាំងឱ្យគណបក្សបន្តកាន់កាប់អាសនៈភាគច្រើនដាច់ខាត និង តំណែងក្រុមប្រឹក្សានៅថ្នាក់ខេត្ត ស្រុក នៅខេត្តមណ្ឌលគិរី បន្តទៀត៕