វគ្គបណ្ដុះបណ្ដាលស្ដីពីបែបបទ និងនីតិវិធីនៃការផ្ដល់សេវារដ្ឋបាលក្នុងវិស័យដឹកជញ្ជូនផ្លូវគោក ដល់រដ្ឋបាលរាជធានី-ខេត្ត ទីស្ដីការក្រសួង៖ នាព្រឹកថ្ងៃអង្គារ ទី២៣ ខែមេសា ឆ្នាំ២០២៤ ឯកឧត្តម សួន រចនា រដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធានប្រចាំការគណៈកម្មការដឹកនាំកំណែទម្រង់វិមជ្ឈការ និងសហវិមជ្ឈការនៃក្រសួងសាធារណការ និងដឹកជញ្ជូន បានអញ្ជើញជាអធិបតីភាពបើកវគ្គបណ្ដុះបណ្ដាលស្ដីពីបែបបទ និងនីតិវិធីនៃការផ្ដល់សេវារដ្ឋបាលក្នុងវិស័យដឹកជញ្ជូនផ្លូវគោក ដោយមានការចូលរួមពីថ្នាក់ដឹកនាំក្រសួង ប្រធាន អនុប្រធាន អង្គភាពច្រកចេញចូលតែមួយ រដ្ឋបាលរាជធានី-ខេត្ត និងមន្ត្រីជំនាញពាក់ព័ន្ធ។ វគ្គបណ្ដុះបណ្ដាលនេះរៀបចំឡើងក្នុងគោលបំណងដើម្បីពង្រឹងសមត្ថភាពការងារ ធានាឱ្យបាននូវប្រសិទ្ធភាពការងារផ្តល់សេវារដ្ឋបាលក្នុងវិស័យដឹកជញ្ជូនផ្លូវគោក នៅរដ្ឋបាលរាជធានី-ខេត្ត ឱ្យកាន់តែប្រសើរឡើងថែមទៀត ជាពិសេសមន្ត្រីជួរមុខ និងមន្ត្រីជួរក្រោយ ដែលជាអ្នកអនុវត្តផ្តល់សេវានេះដោយផ្ទាល់ ដើម្បីទទួលបានបទពិសោធន៍ថ្មីៗបន្ថែមទៀត យល់ដឹងពីបទដ្ឋានបច្ចេកទេសវិស័យដឹកជញ្ជូនផ្លូវគោក និងការងារចំណូលផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube