វឌ្ឍនភាពគម្រោងលើកកម្រិតគុណភាពផ្លូវជាតិលេខ ៤៨ (ស្រែអំបិល-កោះកុង) សម្រេចបាន ៥២.១២% ខណៈ​ដែលគម្រោង​ទាំង​មូល​កំពុងដំណើរការយ៉ាងរលូន។ បើតាមន្រ្តីក្រសួង​សាធារណការនិងដឹកជញ្ជូន ក្រោមការយកចិត្តទុកដាក់ពីលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានចង្អុលបង្ហាញឱ្យលោក សូរ វ៉ិចទ័រ រដ្ឋលេខាធិការនិងជាប្រធានគម្រោង​លើកកម្រិតគុណភាពផ្លូវជាតិលេខ៤៨ ត្រូវ​ជំរុញ​យ៉ាងណា​នៅរដូវប្រាំងត្រឹមខែមិថុនា ឆ្នាំ២០២៤ ត្រូវសម្រេចឱ្យបាន ៦០%។ លោក សូរ វ៉ិចទ័រ ប្រធានគម្រោងបានបញ្ជាក់ថា គម្រោងលើកកម្រិតគុណភាពផ្លូវជាតិលេខ ៤៨ ចាប់ពីផ្លូវ​បំបែកផ្លូវជាតិ​លេខ ៤ រហូតដល់ក្រុងខេមរភូមិន្ទ ខេត្តកោះកុង ដែល​មានប្រវែងសរុប ១៤៨ គីឡូម៉ែត្រ ពេលនេះកំពុងមមាញឹក​ខ្លាំងក្នុងការអ៊ុត AC ជាបន្តបន្ទាប់។ លោក​បន្តថា នៅរដូវវស្សាឆ្នាំ២០២៤ នេះ ក្រុមការងារបានធ្វើការងារ Base Course បានជាអតិបរមា និងការងារ Structure ត្រូវអ៊ុត AC បញ្ចប់នៅរដូវប្រាំងឆ្នាំ ២០២៥ ខាងមុខ។ ទន្ទឹមនឹងវឌ្ឍនភាព គម្រោងក៏ជួបភាពយឺតយ៉ាវខ្លះបណ្តាលមកពីបញ្ហាកូវីដ-១៩ និងកត្តាភូមិសាស្ត្រ។ តំបន់នោះនារដូវវស្សាមានភ្លៀងធ្លាក់ខ្លាំងរយៈពេល ៦ ខែក្នុងមួយឆ្នាំ ដូច្នេះរយៈពេលនៃការអនុវត្តការងារមានពេលតែ ៦ ខែប៉ុណ្ណោះ។ នេះបើតាមលោក សូរ វ៉ិចទ័រ។ បន្ថែមពីនេះ លោក សូរ វ៉ិចទ័រ បានបញ្ជាក់ថា ​លើខ្សែ​ផ្លូវប្រវែង​​ជាង​ ១៤៨ គីឡូម៉ែត្រ តម្រូវឱ្យមានការបន្ថែមទៅលើប្លង់ដើម​ការងារ (Variation Order) ដែលមានកិច្ចការជាច្រើនក្នុងនោះដូចជា ពង្រីកទំហំផ្លូវ ២ គន្លង ពី ១១ ម៉ែត្រ ទៅ ១៣ ម៉ែត្រ កាត់​ចំណោតភ្នំបន្ថែម កាត់បន្ថយចំណោតផ្លូវបន្ថែម ពង្រីកពី ២ គន្លង ទៅ ៤ គន្លង នៅ PK84 ជាដើម៕ RELATED TOPICS:ក្រសួងសាធារណការ និងដឹកជញ្ជូនផ្លូវជាតិលេខ ៤៨លោក សូរ វុិចទ័រ UP NEXTចុងខែឧសភា សម្ដេចធិបតី នឹងអញ្ជើញសម្ពោធឆ្លងព្រះធម្មចេតិយទី១ តម្កល់ព្រះត្រៃបិតក នៅស្រុកភ្នំស្រួច DON'T MISSឧត្តមសេនីយ៍ទោ ហួត សុធី ត្រូវបានតែងតាំងជាស្នងការនគរបាល ខេត្តសៀមរាប ជាផ្លូវការYOU MAY LIKE មណ្ឌល​ត្រួតពិនិត្យលក្ខណៈបច្ចេកទេសយានជំនិះ (ឆៀក) ពង្រីក​បាន ២១ ទីតាំង​ទូទាំប្រទេស ផ្លូវកាត់​ថ្មី​តភ្ជាប់ពី​ខេត្ត​បាត់ដំបង ​មក​សមុទ្រ​ខេត្ត​កោះកុង​សម្រេចបានជាង​ ៨០% ផ្លូវបាក់ស្រុតនៅ​​អូរងើយ​ខេត្ត​មណ្ឌលគិរី បានស្ថាបនាឡើងវិញរួចរាល់ជាស្ថាពរ ដំណើរសាងសង់​​ផ្លូវ​ល្បឿនលឿន​​ភ្នំពេញបាវិត បន្ត​វឌ្ឍនភាព​សម្រេច​​លទ្ធផល​ជាជំហាន​ៗ ផ្លូវជាតិ​ ៣ ខ្សែ លើក​យកមកពិភាក្សា​កែសម្រួលកំណត់​ល្បឿនឡើងវិញ ដេប៉ូស្តុកខ្សាច់ គ្រួស ៦កន្លែង ក្នុងឃុំទន្លេបិទ រងការរិះគន់ការដឹកចែកចាយរំលោភការអនុញ្ញាត