សន្និបាតបូកសរុបលទ្ធផលការងារប្រចាំឆ្នាំ២០២៣ និងទិសដៅការងារសម្រាប់អនុវត្តបន្តឆ្នាំ២០២៤ របស់សមាគមនារី និងគណៈចលនាស្រ្តី ទីស្ដីការក្រសួង៖ នារសៀលថ្ងៃអង្គារ ទី២ ខែមេសា ឆ្នាំ ២០២៤ លោកជំទាវ មឹន មាណវី រដ្ឋលេខាធិការ និងជាប្រធានប្រតិបត្តិសមាគមនារីសាខា ក្រសួងសាធារណការ និងដឹកជញ្ជូន បានអញ្ជើញចូលរួមសន្និបាតបូកសរុបលទ្ធផលការងារឆ្នាំ២០២៣ និងទិសដៅការងារអនុវត្តបន្តឆ្នាំ២០២៤ របស់សមាគមនារី និងគណៈចលនាស្ត្រី តាមរយៈវីដេអូពីចម្ងាយ ក្រោមអធិបតីភាពដ៏ខ្ពង់ខ្ពស់ សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភវឌ្ឍន៍។ កិច្ចប្រជុំសន្និបាតនេះក៏មានការអញ្ជើញចូលរួមផងដែរពីសំណាក់ លោកជំទាវរដ្ឋលេខាធិការ លោកស្រីជាអគ្គនាយករង ប្រធាន អនុប្រធាននាយកដ្ឋាន មន្ត្រីតំណាងនារីមកពីអង្គភាពក្រោមឱវាទក្រសួង និងគណៈកម្មាធិការសមាគមនារីថ្នាក់កណ្ដាល គណៈចលនាស្ត្រី ប្រធានប្រតិបត្តិសមាគមនារី និងប្រធានក្រុមចលនាស្ត្រីតាមក្រសួង ស្ថាប័ន និងតាមរាជធានី ខេត្តទាំង២៥ផងដែរ។ សន្និបាតនាឱកាសនេះ បានធ្វើការពិនិត្យ និងឆ្លុះបញ្ចាំងពីលទ្ធផលការងារក្នុងឆ្នាំ២០២៣ ដែលសម្រេចបានទាក់ទងនឹង ការពង្រឹងរចនាសម្ព័ន្ធចាត់តាំង ការបណ្ដុះបណ្ដាល សកម្មភាពសង្គម ការងារមនុស្សធម៌ ការងារអភិវឌ្ឍន៍ ការងារទំនាក់ទំនងទង និងកិច្ចសហប្រតិបត្តិការអន្តរជាតិ ព្រមទាំងទិសដៅការងារដែលនឹងបន្តអនុវត្តផងដែរ។ សូមជម្រាបជូនថា៖ នៅក្នុងឆ្នាំ២០២៣កន្លងមក គណៈកម្មាធិការសមាគមនារីកម្ពុជា ដើម្បីសន្តិភាព និងអភិវឌ្ឍន៍ថ្នាក់កណ្ដាល គណៈចលនាស្ត្រី គណៈកម្មការសាខាសមាគមនារី និងក្រុមចលនាស្ត្រីគ្រប់លំដាប់ថ្នាក់ទាំងអស់ បានយកចិត្តទុកដាក់ដឹកនាំ និងរួមសាមគ្គីគ្នាបំពេញភារកិច្ចយ៉ាងសកម្មតាមផែនការសកម្មភាព ប្រកបដោយភាពច្នៃប្រឌិត និងបត់បែន ទៅតាមការវិវត្តជាក់ស្តែងរបស់ប្រទេសជាតិ និងអន្តរជាតិ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube