វិទ្យាស្ថានតេជោសែន សាធារណការ និងដឹកជញ្ជូន បានរៀបចំការប្រឡងប្រជែងជ្រើសរើសនិស្សិតជំនាន់ទី៤ ចំនួន ៣០០នាក់ ក្នុងឆ្នាំសិក្សា ២០២៣-២០២៤ ថ្ងៃសៅរ៍ ទី៣ កុម្ភៈ ២០២៤ នៅទីស្តីការក្រសួង លោក ប្រាងហង្ស សេរីរិទ្ធ នាយកស្តីទីវិទ្យាស្ថានតេជោសែន សាធារណការ និងដឹកជញ្ជូន បានដឹកនាំរៀបចំការប្រឡងប្រជែងជ្រើសរើសនិស្សិតជំនាន់ទី៤ ឱ្យចូលរៀនឆ្នាំសិក្សាថ្នាក់មូលដ្ឋាន ឆ្នាំសិក្សា ២០២៣-២០២៤ ដោយនាឱកាសនោះមានការចូលរួមពី លោក លោកស្រី ថ្នាក់ដឹកនាំ មន្ត្រីរាជការ ក្រោមឱវាទវិទ្យាស្ថាន និងជាក្រុមការងារចំណុះអនុគណកម្មាការនីមួយៗ នៃគណកម្មាការប្រឡង។ ចំពោះការប្រឡងជ្រើសរើសនិស្សិតជំនាន់ទី៤ នេះធ្វេីឡេីងរយៈពេលមួយព្រឹក លើឯកទេសមានដូចជា៖ ឯកទេសសំណង់សាធារណការ ឯកទេសគ្រប់គ្រងដឹកជញ្ជូន និងភស្តុភារកម្ម និងឯកទេសនាវាចរណ៍។ សូមជម្រាបជូនផងដែរថា៖ វិទ្យាស្ថានបានប្រកាសជ្រេីសរេីសនិស្សិតឱ្យចូលរៀនសម្រាប់ជំនាន់ទី ៤ ចំនួន ៣០០នាក់ ហើយការប្រកាសលទ្ធផល គ្រោងនឹងធ្វេីឡេីងនាថ្ងៃ០៦ ខែកុម្ភៈ ឆ្នាំ២០២៤ ខាងមុខនេះ។