លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាលលើកទី១ អាណត្តិទី៦ របស់មន្ទីរពិសោធន៍សំណង់ និងសាធារណការ ទីស្តីការក្រសួង៖ នាព្រឹកថ្ងៃទី២១ ខែធ្នូ ឆ្នាំ២០២៣ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាលលើកទី១ អាណត្តិទី៦ របស់មន្ទីរពិសោធន៍សំណង់ និងសាធារណការ ដោយមានការចូលរួមពីតំណាងថ្នាក់ដឹកនាំក្រសួងស្ថាប័នពាក់ព័ន្ធ។ កិច្ចប្រជុំនេះត្រូវបានធ្វើឡើងដោយផ្តោតសំខាន់ទៅលើរបៀបវារៈចំនួនពីរ៖ ១.) ពិនិត្យ និងអនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគរយៈពេល៩ខែ ឆ្នាំ២០២៣ របស់មន្ទីរពិសោធន៍សំណង់ និងសាធារណការ (មពសស) ២.) ពិនិត្យ និងអនុម័តលើពង្រាងផែនការហិរញ្ញវត្ថុ និងវិនិយោគ ឆ្នាំ២០២៤ របស់ មពសស ជាសហគ្រាសសាធារណៈ មពសស បានគោរពនូវរាល់គោលការណ៍ និងកាតព្វកិច្ច ដោយបានប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗជាច្រើនទៀតបង់ចូលថវិការដ្ឋយ៉ាងត្រឹមត្រូវ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube