កិច្ចប្រជុំត្រៀមរៀបចំពិធីសម្ពោធបើកឱ្យប្រើប្រាស់ជាផ្លូវការ គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ (ព្រែកក្តាម - បាត់ដំបង) និងបើកការដា្ឋន កំណាត់ចុងក្រោយ (សិរីសោភ័ណ-ប៉ោយប៉ែត) ដឹកនាំដោយ ឯកឧត្តម តូច ចាន់កុសល រដ្ឋលេខាធិការ និងជាប្រធានគណ:កម្មការរៀបចំពិធី នាព្រឹកថ្ងៃពុធ ទី៨ ខែវិច្ឆិកា ឆ្នាំ២០២៣។ កិច្ចប្រជុំនេះធ្វើឡើងក្នុងគោលបំណងពិនិត្យមើលវឌ្ឍនភាពការងារ របស់គណៈកម្មការ និងអនុគណៈកម្មការទទួលបន្ទុកនីមួយៗ លើការងាររៀបចំពិធី ដើម្បីធានាការរៀបចំបានរលូន សុវត្ថិភាព និងប្រសិទ្ធភាពខ្ពស់។ សូមជម្រាបជូនផងដែរថាពិធីសម្ពោធបើកឱ្យប្រើប្រាស់ជាផ្លូវការគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ (ព្រែកក្តាម-បាត់ដំបង) ប្រវែងសរុប ២៤៦,១៥ គ.ម និងបើកការដ្ឋានគម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ កំណាត់ចុងក្រោយ (សិរីសោភ័ណ-ប៉ោយប៉ែត) ប្រវែង ៣៥,១៤ គ.ម គ្រោងនឹងប្រព្រឹត្តទៅនៅថ្ងៃទី២២ ខែវិច្ឆិកា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕