គិតត្រឹមថ្ងៃទី៦ ខែកក្កដា ឆ្នាំ២០២៣នេះ ឆាណែលតេឡេក្រាម(Telegram Channel)របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានក្លាយទៅជាឆាណែលតេឡេក្រាមរបស់ប្រមុខរដ្ឋាភិបាលដែលមានអ្នកភ្ជាប់ច្រើនជាងគេបំផុត ក្នុងចំណោមឆាណែលតេឡេក្រាមរបស់មេដឹកនាំនានាលើពិភពលោក។ នេះបើតាមក្រសួងប្រៃសណីយ៍ និងទូរគមនាគមន៍ ផ្សព្វផ្សាយឱ្យដឹងនៅរសៀលថ្ងៃ ទី៦ ខែកក្កដា ឆ្នាំ២០២៣។ ក្រៅពីការជូនដំណឹងនេះ ក្រសួងប្រៃសណីយ៍ និងទូរគមនាគមន៍ ក៏បានលើកទឹកចិត្តឱ្យសាធារណជនទាំងអស់ បន្តចូលរួមភ្ជាប់ឆាណែលតេឡេក្រាមរបស់សម្តេចតេជោនាយករដ្ឋមន្ត្រី ដើម្បីទទួលបានព័ត៌ មានថ្មីៗ ពិតប្រាកដ និងឆាប់រហ័ស ដោយគ្រាន់តែស្វែងរកឈ្មោះ @spmhunsen ឬ Prime Minister HUN SEN ហើយចុចភ្ជាប់ (JOIN) ឬ ចុចតំណភ្ជាប់ https://t.me/spmhunsen ឬ ស្កេន QR Code នៅខាងស្តាំដៃក៏បាន៕​