ក្រសួងសាធារណការ៖ ផ្លូវខេត្តលេខ១៤៦B និង ផ្លូវខេត្តលេខ១៤៨ គឺដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ នៅថ្ងៃទី ២៨ មិថុនា ២០២៣ ក្រសួងសាធារណការ និងដឹកជញ្ជូន បានលើកឡើងថា ផ្លូវខេត្តលេខ ១៤៦B ឈ្មោះផ្លូវការគឺ វិថីសុវត្ថិភាពសម្តេចព្រះសង្ឃរាជ ទេព វង្សមាន ប្រវែង៖ ២០,៦៧ គ.ម ។ ចំណុចផ្តើម៖ បំបែក ផ.ជ៤ ត្រង់គ.ម ១៧៨+១៦៥ ភូមិវាលធំ ឃុំវាលរេញ ស្រុកព្រៃនប់ ហើយចំណុចបញ្ចប់៖ រង្វង់មូលស្ទឹងហាវ ភូមិ១ ឃុំអូរត្រេះ ស្រុកស្ទឹងហាវ។ ចំណែកផ្លូវខេត្តលេខ ១៤៨ ឈ្មោះផ្លូវការគឺ តីរវិថីសម្តេចតេជោ ហ៊ុន សែន មានប្រវែង៖ ២២,៣៤ គ.ម ចំណុចផ្តើម៖ រង្វង់មូលស្ទឹងហាវ ភូមិ១ ឃុំអូរត្រេះ ស្រុកស្ទឹងហាវ - ចំណុចបញ្ចប់៖ ប្រសព្វ ផ.ជ៤ ត្រង់ គ.ម ២២៥+៥៥០ កំពង់ផែស្វយ័តក្រុងព្រះសីហនុ - បើកការដ្ឋាន៖ ២៩/សីហា/២០១៩ - សម្ពោធឱ្យប្រើប្រាស់៖ ២២/ធ្នូ/២០២២ - អង្គភាពសាងសង់៖ ក្រុមហ៊ុនសាជីវកម្មស្ពាននិងថ្នល់ចិន (CRBC) - អង្គភាពត្រួតពិនិត្យបច្ចេកទេស៖ ក្រុមការងារបច្ចេកទេស នៃក្រសួងសាធារណការ និងដឹកជញ្ជូន - ថវិកាសាងសង់សរុប៖ ជាង ៧៦លានដុល្លារអាមេរិក - ប្រភពថវិកា៖ កញ្ចប់ថវិកាសន្សំជាតិ។ ផ្លូវទាំងពីរខ្សែនេះ គឺជាខ្សែផ្លូវវាងក្រុងតភ្ជាប់គ្នា ដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុង ទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង ៣៧ខ្សែ នៅក្រុងព្រះសីហនុ ខេត្តព្រះសីហនុ។ ផ្លូវនេះគឺដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងដែរ៕ រូបភាព៖ក្រសួងសាធារណការ និងដឹកជញ្ជូន