អភិបាលខេត្តស្ទឹងត្រែង សម្រេចឱ្យមន្ត្រីមន្ទីរសាធារណការនិងដឹកជញ្ជូនសាងសង់ផ្លូវលេខ២២ ដោយផ្លាសប្តូរពីផ្លូវកៅស៊ូ ទៅជាផ្លូវបេតុងវិញនិងពង្រីកតួផ្លូវឱ្យធំជាងមុន ដើម្បីធានាដល់ការធ្វើចរាចរណ៍របស់ប្រជាពលរដ្ឋនិងភ្ញៀវទេសចរទៅមកបានងាយស្រួល ។ ក្នុងពីធីបើកការដ្ឋានសាងសង់ផ្លូវបេតុង នៅក្រុងស្ទឹងត្រែងនៅថ្ងៃទី១៥ឧសភាឆ្នាំ២០២៣ ឯកឧត្តមស្វាយ សំអ៊ាង អភិបាលខេត្ត មានប្រសាសន៍ថា៖ ដើម្បីឱ្យផ្លូវមួយខ្សែនេះមានគុណភាព ប្រើប្រាស់បានយូរអង្វែង មន្ត្រីជំនាញត្រូវស្ថាបនាឲ្យ បានត្រឹមត្រូវតាមលក្ខណៈបច្ចេកទេស ធ្វើឱ្យមានគុណភាព ព្រោះផ្លូវមួយខ្សែនេះជាចំណុចកណ្តាលធ្វើឱ្យទីក្រុងស្ទឹងត្រែងមានសោភ័ណភាព។ ឯកឧត្តមមានប្រសាសន៍បន្ថែមថា៖ ពេលស្ថាបនាហើយទីរួមខេត្តស្ទឹងត្រែង និងមានផ្លូវល្អ ចាប់ចេញពីចំណុចរង្វង់មូលកណ្តាលក្រុងទៅផ្លូវជាតិ០៧ និងតភ្ជាប់ទៅដល់ស្ពានសេកុង និងឆ្ពោះទៅតំបន់ព្រំដែនកម្ពុជាឡាវ ហើយអាចឱ្យខេត្តមានលទ្ធភាពដាក់បញ្ចូលបន្ថែមទៅក្នុងសូចនាករប្រកួតប្រជែងទីក្រុងស្អាតនៅពេលខាងមុខ (សំឡេង) អញ្ជឺងនៅពេលដែលយើងបើកផ្លូវនេះទៅ ជាការចូលរួមចំណែក កែលម្អសោភ័ណភាពទីក្រុងស្ទឹងត្រែងរបស់យើង ឱ្យកាន់តែមានរបៀបរៀបរយ សណ្តាប់ធ្នាប់ការធ្វើដំណើរក៍មានសុវត្ថិភាពតទៅមុខទៀត ជាការរួមចំណែកចូលរួមនៅការប្រលងប្រណាំងទីក្រូងស្អាត នៅក្នុងខេត្តស្ទឹងត្រែងរបស់យើងផងដែរ។ លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្ត បានបញ្ចាក់ថា៖ផ្លូវមួយខ្សែនេះក្រុមការងារបច្ចេកទេសស្ថាបនាតែជាង៦០ថ្ងៃតែប៉ុណ្ណោះ ហើយក្នុងរយៈពេលដ៍ខ្លីនេះបងប្អូនប្រជាពលរដ្ឋនិងទទួលបានផ្លូវល្អស្រួលធ្វើដំណើរហើយ។ លោកបន្តថា៖ដើម្បីថែរក្សាផ្លូវឱ្យមានគុណភាពនិងសោភ័ណភាព បងប្អូនកុំយកសំរាមចាក់នៅចំណុចមាត់លូ និងមិនត្រូវចាក់ដីនៅមុខផ្ទះឱ្យខ្ពស់ជាងផ្លូវនេះឡើយ ព្រោះវាជាដើមហេតុនាំឱ្យខូចផ្លូវ (សំឡេង)សូមសំណូមពរទទូចនេះជាផ្លូវសាធារណៈ ទាំងអស់គ្នាទេមិនមែនផ្លូវរបស់ បុគ្គលមួយណាទេជាផ្លូវរបស់ប្រជាពលរដ្ឋ យើងទាំងអស់គ្នានៅក្នុងខេត្តស្ទឹងត្រែងអញ្ចឹងសុំឲ្យបងប្អូនជួយសម្អាតជួយថែទាំ បើសិនបើមិនមានផ្លូវទេយើងក៏ពិបាកដែរ អញ្ចឹងបានសម្ដេច តេជោនាយករដ្ឋមន្ត្រីលោកតែងតែមានប្រសាសន៍ថា មានផ្លូវមានក្តីសង្ឃឹម។ លោកសាយកុសលអភិបាលក្រុងបានបញ្ជាក់ដែរថា៖ដើម្បីសម្រេចបំណងដ៍ល្អនេះសុំបងប្អូនទាំងអស់ដែលមានលំនៅឋាននៅជាប់តាមដងផ្លូវនេះសូមចូលរួមជាមួយអាជ្ញាធរពាក់ព័ន្ធបង្កលក្ខណៈងាយស្រួលដល់ការអភិវឌ្ឍឱ្យបានល្អប្រសើរព្រោះជាសមិទ្ធផលថ្មីដែលយើងទទួលបានទាំងអស់គ្នា (សំឡេង)ហើយជាមួយនឹងការសាងសង់ផ្លូវបេតុងនិងលូប្រអប់តាមសងខាងផ្លូវ ហើយមានប្រវែង ជាងមួយគីឡូម៉ែត្រ អញ្ចឹងនេះជាសមិទ្ធផលថ្មីៗដែលរដ្ឋបាលក្រុងទទួលបាន តាមរយៈរដ្ឋបាលខេត្តដែលមានការសាងសង់អភិវឌ្ឍហេដ្ឋារចនាសម្ព័ន្ធថ្មីៗនៅក្នុងក្រុងក្នុងឆ្នាំ ២០២៣ នេះ។ លោកស្រីចាន់ រដ្ឋាមានលំនៅឋានជិតតាមដងផ្លូវនេះបានបញ្ជាក់ថា៖ប្រជាពលរដ្ឋយើងសប្បាយចិត្តបានឃើញអាជ្ញាធរខេត្ត ក្រុងសាងសង់ផ្លូវបេតុងថ្មី ព្រោះបានផ្លាស់ប្តូរពីភាពក៍ខ្វក់ទៅជាមានភាពស្អាតមានបរិស្ថានល្អ ប្រជាពលរដ្ឋរស់នៅមានសុខុមាលភាពបន្ថែមទៀត ។ សូមបញ្ជាក់ថា ៖ផ្លូវលេខ២២ មានប្រវែងជាង២.៤០០ម៉ែត្រហើយអាជ្ញាធរខេត្តបានសាងសង់ជំហានដំបូងជាផ្លូវបេតុងនៅក្នុងឆ្នាំ២០២៣ ប្រវែង១.៧០០ម៉ែត្រ ទទឹងត្រូវពង្រីកដល់ទៅ១៥ម៉ែត្រឱ្យមានទំហំធំជាងផ្លូវកៅស៊ូចាស់ ដែលមានទទឹងតែ០៧ម៉ែត្រប៉ុណ្ណោះ ៕