សកម្មភាពជួសជុលថែទាំ លុបសំបុកមាន់ អ៊ុតកៅស៊ូ អ៊ុតចិញ្ចើមផ្លូវ គូសគំនូសចែកទ្រូងផ្លូវ-គំនូសចរាចរណ៍ ស្តាប្រព័ន្ធលូ តាមកំណាត់ផ្លូវជាតិ និងផ្លូវពាក់ព័ន្ធមួយចំនួន ដើម្បីសម្រួលការធ្វើដំណើរបងប្អូនប្រជាពលរដ្ឋ និងផ្តល់ភាពងាយស្រួលក្នុងការដឹកជញ្ជូនទំនិញឆ្លងកាត់ គិតចាប់ពីថ្ងៃទី ១៧-២៥ ខែមេសា ឆ្នាំ២០២៣ ក្រុមការងារបច្ចេកទេស នៃមន្ទីរសាធារណការ និងដឹកជញ្ជូន ខេត្តត្បូងឃ្មុំ រតនគិរី បាត់ដំបង កែប កំពង់ចាម តាកែវ ស្ទឹងត្រែង និងរាជធានីភ្នំពេញ បានខិតខំប្រឹងប្រែងយកចិត្តទុកដាក់យ៉ាងសកម្ម ដោយបានចុះជួសជុលថែទាំលុបសំបុកមាន់ អ៊ុតកៅស៊ូ (Reseal) និងអ៊ុតចិញ្ចើមផ្លូវ គូសគំនូសចែកទ្រូងផ្លូវ គំនូសចរាចរណ៍ ស្តាប្រព័ន្ធលូ លើកំណាត់ផ្លូវជាតិមួយចំនួនរួមមាន៖ ផ្លូវលេខ៧ លេខ៨ លេខ៧២ លេខ៧៦ លេខ៧៨-៥ លេខ៥ លេខ៥៧B លេខ៥៧B១ លេខ៣៣A លេខ៧១ លេខ៩ ដើម្បីជួយសម្រួលដល់ការធ្វើដំណើរ របស់បងប្អូនប្រជាពលរដ្ឋ ផ្តល់ភាពងាយស្រួលក្នុងការដឹកជញ្ជូនទំនិញឆ្លងកាត់ និងចំណេញពេលវេលា។ ទន្ទឹមនឹងផ្លូវថ្នល់ស្អាតល្អ សូមបងប្អូនប្រជាពលរដ្ឋ កុំបំពានយកដីចំណីផ្លូវមកធ្វើអាជីកម្មដើម្បីប្រយោជន៍ផ្ទាល់ខ្លួន ជៀសវាងការចាក់ដីខ្ពស់ជាងផ្លូវ និងកុំដឹកទំនិញលើសទម្ងន់ ដើម្បីរក្សាផ្លូវថ្នល់ឱ្យមានភាពល្អប្រសើរ និងអាចប្រើប្រាស់បានយូរអង្វែង។ ប្រសិនបើមានបញ្ហាផ្លូវថ្នល់ខូចខាតក្លាយជាជង្ហុកសំបុកមាន់ សូមបងប្អូនប្រជាពលរដ្ឋទាញយកកម្មវិធីថែទាំផ្លូវ (Road Care) និងរាយការណ៍មកក្រសួងដើម្បីអាចចាត់ក្រុមការងារចុះជួសជុល ថែទាំបានទាន់ពេលវេលា៕ ទាញយកកម្មវិធី តាមរយៈតំណភ្ជាប់ខាងក្រោម៖ - iOS: roadcare.mpwt.gov.kh - Android: roadcare.mpwt.gov.kh