កម្មវិធីបុណ្យឆ្លងសមិទ្ធិផលនានា និងស្រោចស្រពសុគន្ធវារីប្រគេន ព្រះចៅអធិការវត្តពិជ័យសាគរ ស្ថិតក្នុង ឃុំពោធិបាន ស្រុកកោះធំ ខេត្តកណ្ដាល ក្រសួងសាធារណការ និងដឹកជញ្ជូន បានអញ្ជើជាអធិបតីក្នុងកម្មវិធីបុណ្យឆ្លងសមិទ្ធិផលនានា និងស្រោចស្រពសុគន្ធវារីប្រគេនព្រះគ្រូសង្ឃរក្ខិតោ លន សារិន ព្រះចៅអធិការវត្តពិជ័យសាគរ ដែលមានទីតាំងស្ថិតក្នុង ឃុំពោធិបាន ស្រុកកោះធំ ខេត្តកណ្ដាលកណ្ដាល៖ នាថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣ ឯកឧត្តមទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើជាអធិបតីក្នុងកម្មវិធីបុណ្យឆ្លងសមិទ្ធិផលនានា និងស្រោចស្រពសុគន្ធវារីប្រគេនព្រះគ្រូសង្ឃរក្ខិតោ លន សារិន ព្រះចៅអធិការវត្តពិជ័យសាគរ ដែលមានទីតាំងស្ថិតក្នុង ឃុំពោធិបាន ស្រុកកោះធំ ខេត្តកណ្ដាល។ កម្មវិធីបុណ្យឆ្លងសមិទ្ធិផលនានារួមមាន ការសម្ពោធស្រះទឹក របង ក្លោងទ្វារបុណ្យ និងសមិទ្ធិផលផ្សេងៗទៀត ក្នុងវត្តពិជ័យសាគរនេះ រៀបចំឡើងរយៈពេល២ថ្ងៃ គឺថ្ងៃទី២៥-២៦ ខែមេសា ឆ្នាំ២០២៣ ដោយនៅក្នុងកម្មវិធីបុណ្យនេះក៏មានរៀបចំពិធីរំលឹកគុណគ្រូ និងស្រោចស្រព សុគន្ធវារីប្រគេនព្រះគ្រូសង្ឃរក្ខិតោ លន សាន ព្រះចៅអធិការវត្តពិជ័យសាគរផងដែរ។ វត្តពិជ័យសាគរ មានទីតាំងស្ថិតនៅភូមិកំពង់គរ ឃុំពោធិបាន ស្រុកកោះធំ ខេត្តកណ្ដាល បានកសាងឡើងក្នុងឆ្នាំ១៩០៣ ដែលមានព្រះចៅអធិកាព្រះនាម ម៉ែន បានគង់នៅរហូតឆ្នាំ១៩១០។ បន្តពីឆ្នាំ១៩១០ រហូតដល់ឆ្នាំ២០២៣នេះ ធ្លាប់មានព្រះចៅអធិកាដឹកនាំវត្តពិជ័យសាគរចំនួន៤រូប បានដឹកនាំជាបន្តបន្ទាប់។ បច្ចុប្បន្ន ព្រះគ្រូសង្ឃរក្ខិតោ លន សារិន បានក្លាយជាព្រះចៅអធិការថ្មី និងបានបន្តដឹកនាំកសាងសមិទ្ធិផលនានាជាច្រើនក្នុងវត្តរួមមាន៖ របងព្រះវិហារ, ស្រះទឹក (ទទឹង ៣៣ម៉ែត្រ បណ្ដោយ ១០១ម៉ែត្រ) របងស្រះទឹក ខ្លោងទ្វារ ផ្លូវចូលស្រះទឹក និងសមិទ្ធផលនានាជាច្រើនទៀត។ ក្រោមការដឹកនាំប្រកបដោយកិត្តិបណ្ឌិតដ៏ខ្ពង់ខ្ពស់បំផុត កម្ពុជាមានសុខសន្តិភាព ស្ថេរភាពនយោបាយ រក្សាបាននូវស្ថេរភាពម៉ាក្រូសេដ្ឋកិច្ច ព្រមទាំងផ្ដល់ឱកាសក្នុងការកសាងសមិទ្ធផលនានាទាំងវិស័យពុទ្ធចក្រ និងអាណាចក្រ ពិសេសនៅក្នុងស្រុកកោះធំ ខេត្តកណ្ដាល។ ក្រោមការខិតខំជួយឧបត្ថម្ភគាំទ្រ ទាំងស្មារតី សម្ភារៈ ថវិកា បានធ្វើឱ្យឃុំបានប្រែមុខមាត់ គួរជាទីមោទកភាព ដែលជាពិសេសជាងនេះ ជាសមិទ្ធិផលសម្រាប់ស្រុកកោះធំ ឯកឧត្តមទេសរដ្ឋមន្ត្រី ស៊ុន ចាន់ថុល បានកសាងមន្ទីរពេទ្យកោះធំ ចំនួន៣ខ្នង ដែលមានទំហំសរុបប្រមាណ ១២ ៥៤៤ ម៉ែត្រការ៉េ នឹងអាចទទួលអ្នកជំងឺបានចំនួន ១៥០គ្រែ៕