សារលិខិតជូនពរឆ្នាំថ្មី សូមគោរពជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាទីគោរពដ៏ខ្ពង់ខ្ពស់! នៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំថោះ បញ្ចស័ក ពុទ្ធសករាជ២៥៦៧ យើងខ្ញុំទាំងអស់គ្នាជា ថ្នាក់ដឹកនាំ មន្ត្រីរាជការ និងបុគ្គលិកគ្រប់ជាន់ថ្នាក់ ក្រោមឱវាទក្រសួងសាធារណការ និងដឹកជញ្ជូន សូមគោរពជូនពរជ័យ សិរីមង្គល វិបុលសុខ មហាប្រសើរថ្លៃថ្លាគ្រប់ប្រការជូនចំពោះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ និងសូមសម្ដែងនូវកត្តញ្ញូកតវេទីតាធម៌ ព្រមទាំងគាវរកិច្ចដឹងគុណយ៉ាងជ្រាលជ្រៅក្រៃលែង ចំពោះវីរភាពដ៏ឧត្តុងឧត្ដម និងសកម្មភាពស្នេហាជាតិមាតុភូមិ ប្រកបដោយគំរូវីរភាពដ៏ខ្ពង់ខ្ពស់ ដែលសម្ដេច និងលោកជំទាវ បានយកអស់កម្លាំងកាយចិត្ត ប្រាជ្ញាស្មារតី បទពិសោធន៍ និងសេចក្ដីសុខផ្ទាល់ខ្លួនមកបម្រើជាតិ សាសនា ព្រះមហាក្សត្រ ធ្វើឱ្យមាតុភូមិកម្ពុជា ប្រកបដោយសុខសន្តិភាព ចម្រុងចម្រើន សម្បូរសប្បាយ និងអភិវឌ្ឍន៍លើគ្រប់វិស័យ។