សារលិខិតជូនពរឆ្នាំថ្មី សូមគោរពជូន សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់! នៅក្នុងឱកាសពិធីចូលឆ្នាំថ្មី ប្រពៃណីជាតិ ឆ្នាំថោះ បញ្ចស័ក ពុទ្ធសករាជ២៥៦៧ យើងខ្ញុំទាំងអស់គ្នាជា ថ្នាក់ដឹកនាំ មន្ត្រីរាជការ និងបុគ្គលិកគ្រប់ជាន់ថ្នាក់ ក្រោមឱវាទក្រសួងសាធារណការ និងដឹកជញ្ជូន សូមគោរពជូនពរជ័យ សិរីមង្គល វិបុលសុខ មហាប្រសើរថ្លៃថ្លាគ្រប់ប្រការជូនចំពោះ សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ និងសូមសម្ដែងនូវកត្តញ្ញូកតវេទីតាធម៌ ព្រមទាំងគាវរកិច្ចដឹងគុណយ៉ាងជ្រាលជ្រៅក្រៃលែង ចំពោះវីរភាពដ៏ឧត្តុងឧត្ដម និងសកម្មភាពស្នេហាជាតិមាតុភូមិ ប្រកបដោយគំរូវីរភាពដ៏ខ្ពង់ខ្ពស់ ដែល សម្ដេចនិងលោកជំទាវ បានយកអស់កម្លាំងកាយចិត្ត ប្រាជ្ញាស្មារតី បទពិសោធន៍ និងសេចក្ដីសុខផ្ទាល់ខ្លួនមកបម្រើជាតិ សាសនា ព្រះមហាក្សត្រ ធ្វើឱ្យមាតុភូមិកម្ពុជា ប្រកបដោយសុខសន្តិភាព ចម្រុងចម្រើន សម្បូរសប្បាយ និងអភិវឌ្ឍន៍លើគ្រប់វិស័យ។