ភ្នំពេញ៖ ឯកឧត្តមឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀប ចំ ដែនដី នគរូបនីយកម្មនិងសំណង់បានកោតសរសើរចំពោះ ការដ្ឋាន កសាងផ្លូវមេតភ្ជាប់ពីផ្លូវជាតិលេខ៤ទៅកាន់ភ្នំបូកគោថា ជាផ្លូវមាន លក្ខណៈប្រវត្តិសាស្រ្តបម្រើឱ្យការអភិវឌ្ឍនៅភ្នំបូកគោនេះ។ កា របញ្ជាក់នេះបានធ្វើឡើងកាលពីថ្ងៃទី៨ ខែមេសាក្នុងឱកាស ឯកឧត្ដមអញ្ជើញពិនិត្យវឌ្ឍនភាពនៃការស្ថាបនាផ្លូវមេ តភ្ជាប់ ពីផ្លូវជាតិលេខ៤ ត្រង់ចំណុចគីឡូម៉ែត្រលេខ១៥៨+២៩១ ឆ្ពោះទៅលើភ្នំបូកគោ ស្ថិតនៅក្នុងស្រុកព្រៃនប់ខេត្តព្រះសីហនុ ។ ក្នុងពេលពិនិត្យជាក់ស្ដែងឯកឧត្តមឧបនាយករដ្ឋមន្រ្តី ជា សុផារ៉ា បានជំរុញដល់ក្រុមការងារធ្វើយ៉ាងណាឱ្យកំណាត់ផ្លូវនេះបានតភ្ជាប់និងអាចធ្វើចរាចរណ៍បានសិន ហើយក្រុមហ៊ុននឹងបន្តការខិតខំ ប្រឹង ប្រែង ស្ថាបនាផ្លូវនេះជាជំហានៗទៀតនាពេលអនាគតទៅ ជាផ្លូវចាក់ កៅស៊ូ(AC) ស្របតាមគម្រោង ប្លង់ដែលបានធ្វើការសិក្សាដោយ ក្រសួង សាធារណការនិងដឹកជញ្ជូន។ គួរបញ្ជាក់ថា ដោយសារតែតំបន់វិនិយោគនិងអភិវឌ្ឍន៍ នេះមាន ទំហំ ធំធេងហើយមានផ្លូវឡើងចុះតែមួយខ្សែនោះទើបរាជរដ្ឋាភិបាលតាមរយៈលិខិតលេខ៩៦សជណ.ដ.ប ចុះថ្ងៃទី៧ខែកុម្ភៈឆ្នាំ២០២២ របស់ ទីស្តីការគណៈរដ្ឋមន្រ្តីសម្រេចឱ្យបើកផ្លូវថ្មីចំនួនមួយខ្សែ ទៀត តភ្ជាប់ ពីផ្លូវជាតិលេខ៤ ឆ្ពោះទៅលើភ្នំបូកគោកាត់តាមដី សម្បទាន សេដ្ឋកិច្ច ចម្ការដូងប្រេងរបស់ក្រុមហ៊ុនម៉ុងឫទ្ធី គ្រុប ដោយការ ចំណាយជាបន្ទុក របស់ក្រុមហ៊ុនសុខាអូតែល។ ផ្លូវមេក្នុងតំបន់ភ្នំនេះប្រវែង១២០ គីឡូម៉ែត្រដោយ តភ្ជាប់ពីផ្លូវ ជាតិ លេខ៤ ត្រង់ចំណុចគីឡូម៉ែត្រលេខ១៥៨+២៩១ ក្នុងឃុំកំពង់សិលា ស្រុកព្រៃនប់ ខេត្តព្រះសីហនុឆ្ពោះទៅលើខ្នងភ្នំបូកគោភ្ជាប់ជាមួយ នឹងកំណាត់ផ្លូវវាលស្រែ៥០០ ដែលមានប្រវែងប្រមាណ៦១គីឡូ ម៉ែត្រ។ តាមគម្រោងប្លង់ដែលសិក្សាដោយក្រសួងសាធារណការ ផ្លូវនេះមានទទឹង២០ម៉ែត្រដែលសងខាងចំនួនពីរគន្លង៕