[Kampucheathmey] - ផ្លូវ ៦០ ម៉ែត្រ កាន់តែមានសម្រស់ស្រស់ស្អាត បន្ទាប់ពីអាជ្ញាធរអប្សរាស្ថាបនាឡើងវិញ
2023-04-03
Go to the website published Kampucheathmey
ចាប់តាំងពីអំឡុងឆ្នាំ ២០០២ មក អាជ្ញាធរជាតិអប្សរា បានចាប់ផ្ដើមការងារស្ថាបនាជាបន្តបន្ទាប់នូវផ្លូវ ៦០ ម៉ែត្រ។ មកដល់បច្ចុប្បន្ន ផ្លូវនេះកាន់តែមានភាពស្រស់ស្អាតគួរជាទីគយគន់ពីសំណាក់ភ្ញៀវទេសចរ ឬ អ្នកធ្វើដំណើរទៅមកជាប្រចាំ។
ក្រោមការយកចិត្តទុកដាក់ពីសំណាក់អាជ្ញាធរជាតិអប្សរា រយៈពេលប៉ុន្មានឆ្នាំចុងក្រោយនេះ ផ្លូវ ៦០ ម៉ែត្រ បានលេចឡើងនូវសមិទ្ធផលសំខាន់ៗជាច្រើន។ ដើម្បីផ្ដល់ជាប្រយោជន៍សម្រាប់សាធារណជនទូទៅ រួមមាន ៖ ក្រៅពីផ្លូវសដ៏ស្រស់ស្អាតសម្រាប់ធ្វើដំណើរ ក៏មានផ្លូវសម្រាប់ថ្មើរជើង ប្រឡាយបេតុងអមសងខាងផ្លូវ រួមជាមួយការដាំស្មៅ សួនច្បារ និងដើមឈើជាច្រើន ដែលផ្តល់ជាម្លប់ និងភាពបៃតងស្រស់ស្អាតជាប្រចាំ។ ក្នុងនោះ ក្រុមការងារថែទាំរបស់អាជ្ញាធរជាតិអប្សរា បានរៀបចំប្រព័ន្ធស្រោចស្រពដើមឈើ និងស្មៅជាប្រចាំ ធ្វើឲ្យវិថីនេះ ទទួលបានការស្ងើចសរសើរពីសំណាក់ភ្ញៀវទេសចរជាតិ និងអន្តរជាតិ៕
