[Kampucheathmey] - ផ្លូវកាត់ថ្មីតភ្ជាប់ពីផ្លូវជាតិលេខ ៤ ទៅភ្នំបូកគោ បញ្ចប់ការឈូសឆាយរួចទាំងស្រុង
2023-04-03
Go to the website published Kampucheathmey
បើតាមក្រុមហ៊ុនសុខាអចលនទ្រព្យ ការឈូសឆាយបើកផ្លូវថ្មីតភ្ជាប់ពីផ្លូវជាតិលេខ ៤ ទៅឧទ្យានជាតិព្រះមុនីវង្សបូកគោបានបញ្ចប់ការឈូសឆាយទាំងស្រុង។
នៅព្រឹកថ្ងៃទី១ ខែមេសា អ្នកឧកញ៉ា សុខ គង់ ប្រធានក្រុមហ៊ុនសូគីម៉ិចគ្រុប បានចុះត្រួតពិនិត្យផ្លូវថ្មី១ខ្សែដែលតភ្ជាប់ឧទ្យានជាតិព្រះមុនីវង្សបូកគោ ឆ្ពោះទៅកាន់ផ្លូវជាតិលេខ៤ មានប្រវែងសរុប ៦១ គីឡូម៉ែត្រ ដែលនៅពេលនេះបានឈូសឆាយរួចរាល់ជាស្ថាពរ។
ការដ្ឋានស្ថាបនាផ្លូវថ្មីតភ្ជាប់ពីផ្លូវជាតិលេខ ៤ ទៅកាន់ឧទ្យានជាតិភ្នំបូកគោ ជាគម្រោងសហការគ្នារវាងអ្នកឧកញ៉ា ម៉ុង ឬទ្ធី និងអ្នកឧកញ៉ា សុខ គង់ ដែលទទួលបានសិទ្ធិពីរដ្ឋាភិបាលនៅក្នុងការអភិវឌ្ឍន៍ភ្នំបូកគោ ។
គម្រោងស្ថាបនាផ្លូវនេះ ឧកញ៉ាម៉ុង ឫទ្ធី គឺជាអ្នកសម្បទានដីសម្រាប់គម្រោងសាង់សង់ផ្លូវ ហើយអ្នកឧញ៉ា សុខ គង់ គឺជាអ្នកចំណាយលុយក្នុងការសាងសង់ផ្លូវ។
ការអនុវត្តគម្រោងសាងសង់ហេដ្ឋារចនាសម្ព័ន្ធផ្លូវថ្មី១នេះ ក៏អនុវត្តតាមការណែនាំរបស់ប្រមុខរដ្ឋាភិបាលសម្តេចតេជោ ហ៊ុន សែន ដើម្បីជំរុញការអភិវឌ្ឍលើកកម្ពស់សេដ្ឋកិច្ច និងទាក់ទាញផ្នែកទេសចរណ៍៕
